Redaktar Tut.by: Kožnaja pračytanaja navina BiełTA kaštavała mnie 451 rubiel
Paśla abiedu sud pa spravie Maryny Zołatavaj pierajšoŭ da dopytu viadučaha redaktara Tut.by Uljany Babajed. Jana paviedamiła, što da hetaha pracavała ŭ haziecie «Kamsamolskaja praŭda», atrymała parol mienavita tam — i ŭ jaje nie było nijakich jurydyčnych padstaŭ mierkavać, što dalej parolem jana nie maje prava karystacca.
— Na Tut.by ja karystałasia parolem «KP» pa zvyčcy, nikoha ŭ viadomaść nie staviła. Parol byŭ zachavany ŭ Google. (…) Jak vyjaviła śledstva, za hety pieryjad ja pračytała 19 natatak BiełTA. Maryna Zołatava nie mieła mahčymaści adsačyć, što ja čytała, — kaža Babajed.
Jana adznačaje: usie zachody byli z chatniaha kampjutara ci mabilnaha telefona. Dalej śviedka padrabiazna pieraličvaje ŭsie naviny, jakija fihuravali ŭ materyjałach jaje kryminalnaj spravy.
— Usie natatki, jakija ja čytała, na toj momant užo byli ŭ adkrytym dostupie. Ich moh bačyć uvieś śviet, — udakładniaje Babajed. — Usio roŭna, ź jakoha ekrana my čytali hetyja naviny. U hety ž momant ich moh čytać uvieś śviet, jany ŭžo byli ŭ adkrytym dostupie. Padpiska nie davała nijakaj pieravahi. Na žal, ja vykarystoŭvała jaje pa zvyčcy, jakaja sfarmiravałasia na minułaj pracy.
Uvosień Uljana Babajed była pryciahnutaja da administracyjnaj adkaznaści, jana apłaciła škodu BiełTA ŭ 8580 rubloŭ. Kryminalnaja sprava ŭ dačynieńni da jaje była spyniena.
— Heta značyć, adna natatka BiełTA abyšłasia mnie ŭ 451 rubiel — sumu bolš, čym 200 dalaraŭ, — kaža Babajed.
Jana źviartaje ŭvahu suda na toje, što škoda joj i kaleham była naličana i pradjaŭlena jak fizičnym asobam — kožnamu asobna. Śledstva i paciarpiełyja nie razhladali abvinavačanych pa spravie jak supracoŭnikaŭ adnoj redakcyi.
Čytajcie taksama: Sud pa «spravie BiełTA»: hałoŭnaha redaktara Tut.by prasłuchoŭvali, častka pakazańniaŭ śviedki «napisana śledčym»
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie55
Kamientary