Nazvany samyja zručnyja dla žyćcia harady śvietu. Miesca Minska ŭ rejtynhu vas ździvić
Viena dziasiaty hod zapar zaniała pieršaje miesca ŭ rejtynhu Mercer, dzie harady aceńvajucca pa cełym šerahu pakazčykaŭ, siarod jakich stvareńnie ŭmoŭ dla adukacyi i pracy, transpartnaja dastupnaść, biaśpieku, ekałohija.
Ekśpierty kampanii adznačyli nizki ŭzrovień złačynnaści ŭ aŭstryjskaj stalicy, raznastajnyja varyjanty praviadzieńnia volnaha času, vysoki ŭzrovień raźvićcia transpartnaj infrastruktury.
Na druhim miescy ŭ rejtynhu apynuŭsia najbujniejšy horad Šviejcaryi Ciurych. Pa biaśpiecy jon sastupiŭ tolki Luksiemburhu i Chielsinki.
Treciaje miesca padzialili Vankuvier, Miunchien i Oklend (Novaja Ziełandyja). Pry hetym ukazvajecca, što kanadski horad padniaŭsia na dźvie pazicyi i staŭ samym zručnym dla žyćcia ŭ Paŭnočnaj Amierycy.
U pieršuju dziasiatku taksama trapili Dziuseldorf, Frankfurt-na-Majnie, Kapienhahien, Ženieva i Bazel.
Minsk u śpisie z 231 horada znachodzicca na 188-j pazicyi, heta apošniaje miesca z usich haradoŭ Jeŭropy. Pierad nami Ałžyr, Najrobi i Tbilisi. Adrazu za nami Džybuci, Tehusihalpa, Kihali (Ruanda).
Vilnia znachodzicca na 81-m miescy, Varšava — na 82-m, Talin — na 86-m, Ryha — na 90-m, Maskva — na 167-m, Kijeŭ na 173-m, Pieciarburh — na 174-m
U samy niz śpisu ekśpierty źmiaścili Sanu (Jemien), Banhi (Centralna-Afrykanskaja Respublika) i Bahdad.
Čytać taksama: 12 drobiaziaŭ z žyćcia Vieny, jakija varta pieraniać Minsku, kab stać jašče lepšym
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary