«Baćka braŭ małoha na ruki i razam ź im padaŭ na padłohu»: padrabiaznaści spravy ab śmierci niemaŭla ŭ Sierabrancy
8 lutaha cieła piacimiesiačnaha małoha znajšli pad voknami adnaho sa šmatpaviarchovikaŭ na praśpiekcie Rakasoŭskaha ŭ Minsku. Spačatku chadzili čutki, što dzicia vykinuli z vakna, paźniej śledčyja abvierhli hetuju viersiju. I voś niadaŭna stała viadoma, što abvinavačvańnie pradjavili baćku małoha.
Spačatku zatrymali ŭsich, chto byŭ u kvatery: maci małoha, jaje sužyciela, ich siabroŭ. Paźniej žančynu i dvaich mužčyn adpuścili, pad vartaj zastavaŭsia baćka małoha i jaho siabar.
Ahułam u kvatery žyło čaćviora darosłych: maładaja maci małoha z sužycielem i jaje maci taksama z sužycielem. Jany niaredka vypivali, šumieli, susiedziaŭ ihnaravali. Takaja ž «viečaryna» adbyłasia i ŭ dzień śmierci małoha.
«U noč z 7 na 8 lutaha biahučaha hoda baćki dziciaci i sužyciel babuli z dvuma znajomymi raśpivali śpirtnoje. Na praciahu nočy baćka nieadnarazova braŭ małoha na ruki, adnak z pryčyny mocnaha ałkaholnaha apjanieńnia padaŭ razam ź im na padłohu. U vyniku padzieńniaŭ dzicia atrymlivała roznyja traŭmy», — paviedamiŭ Śledčy kamitet.
Vyśviatleńnie abstavinaŭ zdareńnia ŭskładniajecca tym, što fihuranty kryminalnaj spravy nibyta nie pamiatajuć ŭsich padziej toj nočy, kažuć, što byli mocna pjanyja.
Śledčyja pryjšli da vysnovy, što dzicia pamierła ad sukupnaści traŭmaŭ roznaj stupieni ciažkaści. Baćku małoha pradjavili abvinavačvańnie ŭ pryčynieńni śmierci pa nieaściarožnaści i ŭ tym, što jon pakinuŭ małoha ŭ niebiaśpiecy. Mužčynu pahražaje da 3 hadoŭ pazbaŭleńnia voli.
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary