Biełaruś płanuje kapitalny ramont piaci učastkaŭ naftapravoda «Družba». Pra heta paviedamiŭ žurnalistam hałoŭny inžynier AAT «Homieltransnafta Družba» Andrej Viaryha, piša TASS.
«Zaŭsiody jość ŭčastki naftapravoda, jakija majuć patrebu ŭ kapitalnym ramoncie. My prajektujem ciapier piać učastkaŭ dla kapitalnaha ramontu. Užo hod iduć prajektnyja raboty», — skazaŭ jon.
Viaryha adznačyŭ, što u 2019 hodzie naftapravodu budzie 55 hadoŭ. Pavodle jaho słoŭ, znos asnoŭnych fondaŭ aktyŭnaj častki naftapravoda ciapier składaje bolš za 65%.
Hałoŭny inžynier kampanii dadaŭ, što ramont, a taksama madernizacyja naftapravoda prachodziać u płanavym paradku z ulikam jaho amartyzacyi. Jon adznačyŭ, što ramont naftapravoda śpiecyjalisty pačnuć «pa miery hatoŭnaści sistemy i mahčymaści, dapuščalnaści pierapynkaŭ». «Viadoma, usie raboty vykonvajucca z ulikam płanaŭ transparciroŭki nafty», — skazaŭ Viaryha. Pry hetym jon ukazaŭ, što trubapravod moža być spynieny tolki ŭ vypadku «płanavych ramontaŭ, albo avaryjnaj situacyi».
Na siońniašniaj naradzie z uradam Alaksandr Łukašenka zajaviŭ, što biełaruski bok pry nieabchodnaści budzie zakryvać naftapravody na ramont, niahledziačy na tranzit rasijskaj nafty.
U 2018 hodzie pa sistemie AAT «Homieltransnafta Družba» pierapampavanyja 60,4 młn t nafty, ź ich 58,8 młn t — pastaŭki z Rasii, što składaje kala čverci naftavaha ekspartu Rasii.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ33
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ3
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary