«Biełnaftachim»: Prablemy z rasijskaj naftaj nie adbilisia na jakaści paliva ź biełaruskich NPZ
Jakaść aŭtamabilnaha paliva, atrymanaha ŭ AAT «Naftan» i na Mazyrskim NPZ, adpaviadaje ŭsim mižnarodnym i ajčynnym normam, standartam i patrabavańniami, paviedamili BiełTA ŭ kancernie «Biełnaftachim».
«Zavody vymušana źnizili abjomy pierapracoŭki z-za adsutnaści jakasnaj syraviny. Pry hetym varta źviarnuć uvahu, što i syravinu, i tavarnaja pradukcyja prachodziać na pradpryjemstvie niekalki etapaŭ kantrolu. Jakaść aŭtamabilnych palivaŭ skrupulozna kantralujuć zavadskija łabaratoryi», - adznačyli ŭ kancernie.
Na kožny vid paliva jość svoj narmatyŭny dakumient, u jakim zafiksavanyja da 20 pakazčykaŭ jakaści ŭ zaležnaści ad marki. «Navat kali pa adnym idzie choć niejkaje nieadpaviednaść, to paliva nie vychodzić za miežy zavoda», - rastłumačyli śpiecyjalisty.
Na «Naftanie» i Mazyrskim NPZ harantujuć, što jakaść naftapraduktaŭ, jakija adpraŭlajucca spažyŭcam, vyklučna vysokaje i adpaviadaje standartu Jeŭra-5.
Jak paviedamlałasia, «Biełnaftachim» 19 krasavika zajaviŭ ab rezkim paharšeńni jakaści rasijskaj nafty Urals, jakaja pastupaje tranzitam u ŭčastak mahistralnaha naftapravoda AAT «Homieltransnafta Družba». Utrymańnie chłorarhaničnych złučeńniaŭ u nafcie pieravyšała ŭ dziasiatki razoŭ hraničnyja značeńni pa standarcie. Nafta, jakaja adpaviadaje standartu, pastupiła na miažu Biełarusi pa naftapravodzie «Družba» 2 maja.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary