Ukrainskaha režysiora Aleha Siancova vyvieźli z kałonii №8 u rasijskim horadzie Łabytnanha. Jak paviedamlaje Telegram-kanał Baza sa spasyłkaj na krynicu ŭ śpiecadździele kałonii, dzie mienavita znachodzicca ciapier Siancoŭ — nieviadoma.
Miarkujecca, što režysiora mohuć abmianiać na rasijskaha žurnalista Kiryła Vyšynskaha, vyzvalenaha raniej sudom u Kijevie.
Advakat Dźmitryj Dynzie pakul nie paćviardžaje infarmacyju ab etapavańni Siancova z Łabytnanhi. Pa słovach pravaabaroncaŭ, niekalki dzion tamu jon byŭ tam, atrymaŭ listy. Pry hetym dapuskajecca, što Siancova mahli pieravieźci avijacyjaj na praciahu adnaho dnia.
Kiryła Vyšynskaha 28 žniŭnia vyzvalili ŭ Kijevie z-pad varty pad asabistaje paručalnictva — žurnalist budzie abaviazany źjaŭlacca ŭ sud abo da śledčaha pa pieršym patrabavańni. Pad vartaj jon znachodziŭsia 400 dzion. Žurnalist byŭ aryštavany ŭ mai 2018 hoda pa abvinavačvańni ŭ dziaržzdradzie i padtrymcy «DNR» i «ŁNR».
Kamientary