Jak vyhladaje miesca mahčymaha zabojstva Hančara i Krasoŭskaha pad Biahomlem FOTA
41-hadovy Jury Haraŭski, jaki nazvaŭ siabie bajcom biełaruskaha «eskadrona śmierci» i raskazaŭ pra svoj udzieł u vykradańni i zabojstvie praciŭnikaŭ Alaksandra Łukašenki 20 hadoŭ tamu, apisaŭ miesca mierkavanaha zabojstva byłoha vice-śpikiera Viarchoŭnaha Savieta Viktara Hančara i jahonaha siabra biznesoŭca Anatola Krasoŭskaha. Karespandenty Svabody pahladzieli, jak ciapier vyhladaje heta miesca.
Haraŭski śćviardžaje, što 16 vieraśnia 1999 hoda jon udzielničaŭ u vykradańni i zabojstvie Hančara i Krasoŭskaha. Adbyłosia heta na zakansiervavanaj vajskovaj bazie za 5 kiłametraŭ ad Biahomla, dzie bazavaŭsia SACHR. Tamsama, pa jahonych słovach, i zakapali cieły apanientaŭ Łukašenki dy ich džyp.
Karespandenty Svabody dabralisia da byłoj bazy, jakuju miascovyja žychary zavuć meteastancyjaj, bo kaliści tam mieściłasia vajskovaja meteastancyja, a paśla i častka MNS.
Jak my daviedalisia, 5 hadoŭ tamu abjekt płoščaj 2 na 3 kiłamietry vykupiŭ biznesoviec Dźmitryj Piatrovič (proźvišča jon admoviŭsia nazyvać).
Usiaredzinie terytoryi, abharodžanaj 2-mietrovym płotam, jość «niekalki karpusoŭ, staraja kazarma». Ułaśnik, jaki źbirajecca zapuścić tut draŭlanuju vytvorčaść, skazaŭ, što na jahonaj terytoryi niama ab‘iektaŭ, pra jakija zhadvajecca ŭ śviedčańniach Haraŭskaha. Publikacyju jon čytaŭ.
Adnak achoŭnik na KPP abjekta Cimafiej pakazaŭ karespandentam Svabody miesca, dzie imavierna była zhadanaja pałasa pieraškodaŭ. Jana mieścicca za terytoryjaj bazy, z supraćlehłaha ad KPP boku.
Tam pabačyli staruju bramu z zamkom. Praź jaje možna było vyjazdžać z terytoryi bazy ŭ les, da pałasy pieraškodaŭ.
Za 150 mietraŭ ad zadniaha ŭvachodu — prykmiety byłoj pałasy pieraškod — zhniłyja biarvieńni, słup ad šłahbauma…
Na zarosłaj lesam terytoryi jość bietonnyja kanstrukcyi, jakija nahadvajuć ačyščalnyja zbudavańni.
Bietonnyja kanstrukcyi mohuć być reštkami ačystnych zbudavańniaŭ
Taksama žurnalisty pabačyli jaminu, jakaja, pa słovach byłoha vajskoŭca achoŭnika KPP Cimafieja, vyhladaje na prydatnaje strelbišča jakraz dla bajcoŭ śpiecnazu. Adnak ci tut sapraŭdy treniravalisia śpiecnazaŭcy, nieviadoma.
-
Pry pajezdcy ź Biełarusi ŭ Polšču na miažy čakać tolki 6 hadzin, a nazad — sutki
-
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza
-
«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary