Alaksandr Łukašenka nakiravaŭ vinšavańnie sałdatam, siaržantam, praparščykam, aficeram i ŭsim suhramadzianam z Dniom abaroncaŭ Ajčyny i Uzbrojenych Sił Biełarusi. Pra heta BIEŁTA paviedamili ŭ pres-słužbie biełaruskaha lidara.
«Prytrymlivajučysia pryncypaŭ addanaści Radzimie, viernaści prysiazie i hatoŭnaści abaraniać intaresy krainy i naroda, vy ŭvasablajecie moc i siłu našaj suvierennaj dziaržavy, — havorycca ŭ vinšavańni. — U 75-hodździe Vialikaj Pieramohi my ŭšanoŭvajem pamiać aficeraŭ i sałdat, jakija addali žyćcio ŭ imia budučaha svajho naroda. Schilajem hałavu pierad tymi, chto zahinuŭ u bai, vykonvajučy internacyjanalny abaviazak. Zachaplajemsia dobleściu i advahaj usich, chto ŭstavaŭ na abaronu miru sa zbrojaj u rukach i chto siońnia va ŭmovach novych hłabalnych pahroz biare na siabie adkaznaść za spakoj i paradak na rodnaj ziamli».
Łukašenka vykazaŭ upeŭnienaść, što podźvih vieteranaŭ Vialikaj Ajčynnaj vajny, mužnaść i hieraizm voinaŭ-internacyjanalistaŭ, imknieńnie vajennasłužačych dziejučaj armii pradoŭžyć słaŭnyja tradycyi starejšych pakaleńniaŭ źjaŭlajucca dastojnym aryjenciram i prykładam sapraŭdnaha patryjatyzmu dla biełaruskaj moładzi.
Alaksandr Łukašenka pažadaŭ usim mocnaha zdaroŭja, prafiesijnych pośpiechaŭ i mirnaj słužby.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary