U centry ŭvahi znachodzilisia pytańni raźvićcia handlova‑ekanamičnych i kulturnych suviaziej.
Alaksandr Łukašenka 23 sakavika sustreŭsia z prezidentam Abchazii Siarhiejem Bahapšam. U centry ŭvahi znachodzilisia pytańni raźvićcia handlova‑ekanamičnych i kulturnych suviaziej, paviedamili ŭ pres‑słužbie biełaruskaha lidera.
«My z prezidentam Rasii ŭžo abmiarkoŭvali prablemy, jakija tut, u hetym rehijonie, jość z punktu hledžańnia ekanomiki i datyčacca Biełarusi. Tem dla razmovy šmat, i, pierš za ŭsio, haspadarčyja. Bo paśla nabyćcia niezaležnaści zaŭsiody spraŭ prybaŭlajecca. My budziem rady, što z udziełam Biełarusi ŭdasca vyrašyć bolš prablem, jakija isnujuć u hetym rehijonie», — skazaŭ Alaksandr Łukašenka, źviartajučysia da Siarhieja Bahapša.
U svaju čarhu kiraŭnik Abchazii padziakavaŭ Alaksandru Łukašenku za hetu sustreču. «My hatovy ź Biełaruśsiu ciesna pracavać u ekanamičnym płanie», — skazaŭ Siarhiej Bahapš. Jon raskazaŭ kiraŭniku biełaruskaj dziaržavy ab minułahodnich zakupkach Abchazijaj pradukcyi biełaruskaha mašynabudavańnia. Heta, hałoŭnym čynam, traktary i pahruzačnaja technika.
Sioleta Abchaziju cikavić mahčymaść nabyćcia bujnoj partyi aŭtamabilaŭ MAZ. «My hatovy ich kupić na adzin miljard rasijskich rubloŭ. Siońnia my možam heta sabie dazvolić. My budziem pracavać ź Biełaruśsiu. Nam heta zručna, i heta — jakasnaja technika», — skazaŭ Prezident Abchazii.
Alaksandr Łukašenka i Siarhiej Bahapš abmianialisia dumkami pa pytańniach raźvićcia turyzmu, dziciačaha adpačynku, a taksama ab naładžvańni supracoŭnictva ŭ śfiery vyšejšaj adukacyi.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie55
Kamientary