U 55 hadoŭ pamior prezident Burundzi, jaki staviŭsia da karanavirusa niesurjozna
Prezident Burundzi Pjer Nkurunziza, jaki admaŭlaŭ nieabchodnaść mier suprać karanavirusa, pamior, paviedamlaje BBC.
Pa papiarednich źviestkach, heta adbyłosia z-za spynieńnia serca 8 červienia, u paniadziełak. Miascovyja ŚMI raniej pisali, što Nkurunziza razam sa svajoj žonkaj trapiŭ u balnicu z dyjahnazam COVID-19: jon moh zarazicca karanavirusam.
Nkurunziza 15 hadoŭ byŭ prezidentam Burundzi i nieadnarazova zajaŭlaŭ, što ŭznačalvaje nacyju pa voli Hospada.
Kanstytucyja krainy abmiažoŭvaje znachodžańnie na vyšejšaj pasadzie dvuma piacihadovymi terminami, ale ŭ 2015 hodzie Nkurunziza abviaściŭ, što pojdzie na treci, pakolki pieršy raz jon byŭ abrany nie nasielnictvam, a parłamientam.
Rašeńnie vyklikała masavyja chvalavańni i sprobu pieravarotu z boku armii. Vystupleńni byli zadušanyja. Zahinuli, pa roznych źviestkach, da 1200 čałaviek, kala 200 tysiač źbiehli ŭ susiednija krainy.
U 2018 hodzie jon źmianiŭ kanstytucyju, pavialičyŭšy praciahłaść prezidenckaha terminu da siami hadoŭ i zabiaśpiečyŭšy sabie mahčymaść bałatavacca znoŭ, ale niadaŭna zajaviŭ, što na čaćviorty termin nie pojdzie, a prymie tytuł «viarchoŭnaha pravadyra patryjatyzmu», ź jakim budučyja ŭłady abaviazany buduć kansultavacca na pradmiet taho, što patryjatyčna, a što nie.
U apošnija miesiacy Nkurunzizu krytykavali za adsutnaść mier pa baraćbie z karanavirusam. Zamiest uviadzieńnia karancinu jon zajaviŭ, što narod Burundzi bieraže Usiavyšni.
U samy razhar pandemii ŭ Burundzi prajšli prezidenckija vybary, na jakich pieramoh abrany Nkurunzizam pierajemnik.
Ciapier čytajuć
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach13
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary