Biełarusy nie palaciać u Čarnahoryju 16 červienia. Kraina ssunuła paloty na dva tydni
Anansavany čartar u Čarnahoryju, što mierkavaŭsia 16 červienia, nie adbudziecca. Pra heta paviedamlaje Respublikanski sajuz turystyčnych arhanizacyj (toursoyuz.by) sa spasyłkaj na kansalidatara rejsa, kampaniju «Aeratrevieł».
Pryčyna — niespryjalnaja epidemijałahičnaja abstanoŭka ŭ našaj krainie.
U suviazi z narmatyŭnymi aktami Biełarusi i Čarnahoryi zakazčykam rejsa pryniataje rašeńnie čartarnuju prahramu ŭ Civat pačać z 1 lipienia.
Čarnahoryja raniej abviaściła siabie krainaj, svabodnaj ad karanavirusa (tam niama nivodnaha chvoraha), i adkryła miežy dla hramadzian z 130 krain. Dla ŭsich astatnich kraina hatovaja adčynić dźviery z 1 lipienia — pry ŭmovie prymalnaj epidemijałahičnaj abstanoŭki.
Štotydzień Instytut hramadskaha zdaroŭja Čarnahoryi vyznačaje śpis dziaržaŭ, žychary jakich mohuć pryjazdžać u krainu bieź nieabchodnaści pravieści 14 dzion u samaizalacyi.
Hałoŭny kryter — u krainie, adkul prybyvaje padarožnik, pavinna być mienš za 25 aktyŭnych vypadkaŭ karanavirusa na 100 tysiač nasielnictva.
U Biełarusi zaraz, zhodna z Suśvietnaj mietrykaj, 25 477 aktyŭnych vypadkaŭ, abo 269 na 100 tysiač.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary