Pa Minsku znoŭ pojdzie vajskovaja technika. Hetym razam praź Dzień desantnika
U vychodnyja pa vulicach Minska pajedzie vajskovaja technika. Heta padrychtoŭka da Dnia pavietrana-desantnych vojskaŭ. Samo śviata 2 žniŭnia (niadziela), ale asnoŭnyja hulańni ŭ stalicy projduć na dzień raniej (h.zn. u subotu), paviedamlaje aficyjny telehram-kanał Ministerstva abarony.
2 žniŭnia ŭ Biełarusi adznačać 90-hodździe pavietrana-desantnych vojskaŭ.
U Minsku asnoŭnyja hulańni projduć 1 žniŭnia z 10.00 da 14.00. Miesca: praśpiekt Pieramožcaŭ la Pałaca sportu. U prahramie buduć udzielničać vajskoŭcy sił vyratavalnych apieracyj.
Naprykład, vajskoŭcy buduć desantavacca ź viertalota na ziamlu i ŭ Śvisłač, pakažuć zaniatki pa rukapašnym boi i bajavyja epizody.
Miechaniki-kiroŭcy BTR prademanstrujuć «vals mašyn na vadzie». Jašče budzie vystava techniki, uzbrajeńnia, formy adzieńnia.
Minabarony papiaredžvaje, što ŭ horadzie źjaviacca kałony vajennaj i śpiecyjalnaj techniki. Jany buduć ruchacca pa darohach dla padrychtoŭki da śviata, a potym viartacca nazad.
25 lipienia technika prybudzie ŭ Minsk. Ruch pierakryvacca nie budzie;
26 lipienia z 19.00 da 22.00 — repietycyja la Pałaca sportu. Technika budzie ruchacca z 18.00 pa takim maršrucie: Kałodziščy —MKAD — praśpiekt Pieramožcaŭ — Pałac sportu.
Viartańnie — tym ža šlacham. Ruch aŭtamabilnaha transpartu abmiažujuć.
Jak vajskoŭcy i technika buduć viartacca nazad 1 žniŭnia, paviedamiać paźniej.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ38
Kamientary