Ukraincy, u jakoj ź jačejki Biełhazprambanka zabirali $170 tysiač, viarnuli hrošy

Ukrainka była siarod paciarpiełych klijentaŭ banka, u jakich paśla pieratrusu ŭ červieni ŭ hałoŭnym ofisie banka kanfiskavali źmieściva depazitarnych jačejek. Žančyna napisała zajavy ŭ Frunzienskaje RUUS i DFR dziaržkantrolu (paźniej joj adkazali, što pieradali zvarot u KDB), piša TUT.by.
U lipieni jaje vyklikali ŭ KDB, a ŭ kancy žniŭnia joj viarnuli hrošy. Ciapier jana znachodzicca va Ukrainie, joj pryjšłosia śpiecyjalna pryjechać u Biełaruś, kab atrymać hrašovyja srodki,
— Usia hetaja situacyja dla mianie było vialikim stresam. Ale ja razumieła, što na maim baku praŭda, ja była hatovaja dakazać zakonnaść atrymańnia hetych hrošaj, ja zarabiła hetyja hrošy. I mnie niama čaho było hublać, tamu pakidała zvaroty na sajcie prezidenta, — raspaviadaje žančyna.
Jana kaža, što pytańniaŭ da biełaruskich siłavikoŭ u jaje niama.
— Sutyknułasia z prafiesijnymi ludźmi (havorka pra pradstaŭnikoŭ KDB), u mianie da ich niama pytańniaŭ, kali prybrać šok i niehatyŭnyja emocyi, jakija pieršapačatkova byli, — udakładniaje žančyna i dadaje, što joj viarnuli ŭsiu kanfiskavanuju sumu.
Raniej jana razhladała varyjant inviestavać hrošy ŭ biełaruskuju ekanomiku, u tym liku, mahčyma, ukłaścisia ŭ nieruchomaść. Ciapier hetyja płany, pa jaje słovach, pad pytańniem.
— U mianie ŭ Biełarusi žanich. Ale my pakul nie viedajem, dzie i jak płanavać našu budučyniu.
Nahadajem, raniej kiraŭnik časovaj administracyi Biełhazprambanka Nadzieja Jermakova raskazała, što zajavy z-za ŭskryćcia depazitarnych jačejek napisali 8 klijentaŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary