Hałoŭnuju redaktarku «Mocnych navin» aštrafavali paśla troch dzion za kratami
Hannu Jakštas sud Savieckaha rajona aštrafavaŭ na 540 rubloŭ.
Milicyjanty napisali ŭ pratakole, što Hanna Jakštas «vydavała siabie za akredytavanaha žurnalista i, niezakonna vykarystoŭvajučy bedž i kamizelku «Presa», aktyŭna pryniała ŭdzieł u niesankcyjanavanym šeści». Hanna Jakštas skazała, što ažyćciaŭlała svaju žurnalisckuju dziejnaść, zdymała akcyju pratestu, piša Svaboda.
Hanna Jakštas zatrymali 3 kastryčnika razam z mužam Dzianisam Jakštasam, taksama supracoŭnikam redakcyi. 5 kastryčnika sud pakaraŭ Dzianisa Jakštasa aryštam na 15 dzion. U hety dzień u redakcyi «Cilnych novostiej» prajšoŭ pieratrus, jaki milicyja nazvała «ahladam pracoŭnaha miesca Hanny Jakštas». U vyniku redakcyja zastałasia biaz techniki i mabilnych telefonaŭ.
4 krasavika zatrymali taksama žurnalistku «Silnych novostiej» Nadzieju Pužynskuju. Dahetul jana znachodzicca ŭ izalatary časovaha ŭtrymańnia. Hanna Jakštas praviała ŭ IČU try dni.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary