Bajden pakul nie hatovy abviaścić ab pieramozie, ale moža nabrać navat 300 hałasoŭ
Kandydat u prezidenty ZŠA ad Demakratyčnaj partyi Džo Bajden zajaviŭ, što pa vynikach hałasavańnia raźličvaje atrymać bolš hałasoŭ vybarščykaŭ, čym 270, nieabchodnych dla pieramohi. Pra heta jon skazaŭ u zvarocie da svaich prychilnikaŭ.
«My na šlachu da taho, kab vyjhrać bolš za 300 hałasoŭ vybarščykaŭ», — zajaviŭ Bajden. Pa słovach kandydata, jon jašče nie hatovy abjavić ab svajoj pieramozie, adnak «ličby jasna kažuć: my [demakraty] vyjhrajem hetuju honku».
«Prosta pahladzicie na toje, što adbyłosia z učorašniaha dnia. 24 hadziny tamu my prajhravali ŭ Džordžyi, ciapier my napieradzie, i my źbirajemsia pieramahčy ŭ hetym štacie», — adznačyŭ Bajden.
Jon taksama zajaviŭ, što vyjhraje hałasavańnie ŭ Piensilvanii (20 hałasoŭ členaŭ Kalehii vybarščykaŭ), Aryzonie (11) i Nievadzie (6), jakija źjaŭlajucca klučavymi štatami.
Pa padlikach CNN, da ciapierašniaha momantu Bajden abhaniaje svajho supiernika ad respublikancaŭ, dziejučaha prezidenta Donalda Trampa, na 28,8 tys. hałasoŭ u Piensilvanii, na 29,8 tys. u Aryzonie, na 22,6 tys. u Nievadzie i na 4,3 tys. — u Džordžyi.
Pakul u Bajdena 254 hałasy ŭ Kalehii vybarščykaŭ, u Trampa — 214.
Kamientary