Viadomamu ekanamistu Dźmitryju Kruku dali 15 sutak aryštu pa č. 1 art. 23.34. Rašeńnie vyniesła sudździa Anastasija Ačałava ŭ sudzie Leninskaha rajona, paviedamlaje Tut.by.
Śviedka ź milicyi zajaviŭ, što Dźmitryj udzielničaŭ u niesankcyjanavanym masavym mierapryjemstvie ŭ rajonie vulicy Čyčuryna. Dźmitryj nastojvaje, što jaho zatrymali ŭ kramie, jak miarkujecca, pa adrasie Čyčuryna 12. Jon ubačyŭ łancuh siłavikoŭ i vyrašyŭ zajści ŭ kramu, kab paźbiehnuć sustrečy ź imi. Pavodle jaho słoŭ, jany taksama zajšli ŭ kramu i stali zatrymlivać mužčyn. Razam ź Dźmitryjem zatrymali jašče traich mužčyn.
— Adzin skazaŭ «zatrymlivajem», nas vyvałakli i zatrymali, — tłumačyć Kruk. — Nijakich masavych mierapryjemstvaŭ u hetym pierymietry nie było, tamu ŭziać udzieł u tym, čaho nie było, niemahčyma.
Ciapier čytajuć
«Natalla Ejsmant moža ŭsio». Aryštavany za chabary dyrektar Pałaca Respubliki ŭžo na svabodzie i navat z novaj pasadaj9
Kamientary