Zakryvajecca haradski časopis «Bolšoj»: ciažkaje stanovišča pa ŭsich frantach
Haradski časopis «Bolšoj» spyniŭ svoj vychad. Pryčyna — u finansavych ciažkaściach.
«Prablemy pačalisia praz karanavirus. Časopis ža raspaŭsiudžvajecca ŭ restaranach, kafe, a tam amal nie stała naviednikaŭ. Nakład apošnija miesiacy składaŭ 10-13 tysiač asobnikaŭ, ale my sychodzili ŭ strašenny minus», — raskazvaje hałoŭny redaktar «Bolšoho» Dźmitryj Navicki.
Dźmitryj kiruje taksama kreatyŭnym ahienctvam «Ideja kansałt», tamu kaściak kamandy, jaki vydavaŭ hlaniec, praciahnie pracu tam. Na fryłans adpuścili tolki dyzajniera.
«Bolšoj» vydavaŭsia z 2010 hoda. Jon pazicyjanavaŭ siabie jak «časopis dla dumajučych ludziej». Tam drukavalisia vialikija intervju, publicystyčnyja kałonki, analityka.
«Škada, što zakryvajem, ale niama inšaha vyjścia, nie možam paciahnuć pa hrašach. Časopis zaŭsiody byŭ plus-minus datacyjnym pradpryjemstvam. Musić, stamilisia zmahacca. Treba ŭziać paŭzu, pieradychnuć, bo ciažkaje stanovišča pa ŭsich frantach. Paśla, napeŭna, budziem pieraabuvacca ŭ ličbavy farmat», — padzialiŭsia hałoŭny redaktar.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary