Padtrymajcie «Našu historyju»: kupicie jaje siońnia ŭ Redakcyi
Dziakuj usim, chto padtrymaŭ nas učora. Siońnia bolš volnych ruk, pastarajemsia arhanizavać praces prodažu tak, kab čerhaŭ nie było.
Vy možacie nabyć śviežy numar «Našaj historyi», jak i staryja numary, a taksama «Dudu» i «Aściarožna: dzieci!» pa adrasie Enhielsa, 34a da 18:00.
Heta samy centr Minska, litaralna 400 mietraŭ ad mietro «Kupałaŭskaja» i «Kastryčnickaja», bieły budynak z murałam.
Kali łaska, prychodźcie i kuplajcie časopis — dla siabie i dla svajakoŭ, susiedziaŭ, siabroŭ, kaleh pa pracy!
Biarycie z saboj najaŭnyja, bo, na žal, naš kasavy aparat nie padtrymlivaje apłatu kartkaj. Adzin numar «Našaj historyi» kaštuje 7 rubloŭ. Da sustrečy!
Usim, chto nie zmoh pryjści, ale zrabiŭ achviaravańnie, taksama dziakujem.
Nahadajem, što «Naša historyja», samy papularny časopis na biełaruskaj movie, bolš nie budzie pradavacca ŭ hazietnych kijoskach. Dziciačyja «Dudu» i «Aściarožna, dzieci!» — taksama. «Biełsajuzdruk» paviedamiŭ, što ŭ adnabakovym režymie razryvaje adnosiny.
Kamientary tut lišnija — vy sami ŭsio razumiejecie. U takoj situacyi my patrabujem vašaj padtrymki i salidarnaści.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ3
Kamientary