26 krasavika ŭ ofis partyi «Zialonyja» łamalisia nieviadomyja, na vulicy ŭ toj čas dziažuryli cichary, a taksama stajaŭ charakterny mikraaŭtobus.
U ofisie znachodziŭsia tolki kiraŭnik partyi Dźmitryj Kučuk. Dźviery nieviadomym jon nie adčyniaŭ, tady ŭ pamiaškańni vyrubili internet i śviatło.
Kiraŭnik Biełaruskaj sacyjał-demakratyčnaj partyi Ihar Barysaŭ kaža: «Suviaź z Kučukom źnikła ŭčora ŭviečary. Chutčej za ŭsio, noč jon pravodziŭ na ofisie.
My viedajem, što ŭ jaho słabaja zaradka ŭ telefonie, a biez elektryčnaści padsiłkavać jaje nie moh. Doma jon dakładna nie načavaŭ».
Rankam adnapartyjcy adčynili ofis, Kučuka tam nie było. Zatoje lažaŭ jahony telefon. Dzie ciapier znachodzicca palityk, nieviadoma.
26 krasavika adznačalisia ŭhodki Čarnobylskaj katastrofy, «Zialonyja» byli siarod zajaŭnikaŭ vuličnaj akcyi «Čarnobylski šlach», jakuju nie dazvoliŭ Minharvykankam.
Abnoŭlena
Proźvišča Dźmitryja Kučuka źjaviłasia ŭ śpisie tych, kaho sudzili ŭ Frunzienskim sudzie Minska pa artykule 24.23. Prysud — 15 sutak.
Kamientary