Kreml acaniŭ šancy padpisańnia pahadnieńniaŭ na zaŭtrašniaj sustrečy Pucina i Łukašenki
Pa vynikach pryznačanaj na 9 vieraśnia sustrečy Uładzimira Pucina i Alaksandra Łukašenki padpisańnia jakich-niebudź pahadnieńniaŭ ab intehracyi dźviuch dziaržaŭ nie płanujecca.
Pra heta zajaviŭ žurnalistam pres-sakratar Pucina Dźmitryj Piaskoŭ, piša RBK.
«Nie, nakolki ja viedaju, dakumienty (padpisvać) nie płanujecca, ale jašče raz paŭtaru: budzie pres-kanfierencyja, i kiraŭniki dziaržaŭ infarmujuć pra temy, jakija jany abmiarkoŭvali», — skazaŭ Piaskoŭ, adkazvajučy na adpaviednaje pytańnie.
Taksama Piaskoŭ zajaviŭ, što Rasija nie stavić pytańnie ab pryznańni Biełaruśsiu Kryma, heta — suvierennaja sprava luboj krainy. Takim čynam jon adkazaŭ na pytańnie, ci budzie Uładzimir Pucin na pieramovach stavić pytańnie ab pryznańni Kryma.
Siońnia Łukašenka na sustrečy sa staršynioj Kamiteta nacbiaśpieki Kazachstana Karymam Masimavym skazaŭ, što na sustrečy z Pucinym abmiarkuje situacyju ŭ Jeŭrazijskim ekanamičnym sajuzie i asabliva situacyju, źviazanuju z Afhanistanam.
***
Raniej biełaruski pasoł u Rasii Uładzimir Siamaška kazaŭ, što ŭ ramkach pieramovaŭ 9 vieraśnia Pucin i Łukašenka padpišuć «darožnyja karty» i «karty raźvićcia pahłybleńnia intehracyi». Paśla pasolstva Biełarusi vydała zajavu, u jakoj skazała, što Pucin i Łukašenka aznajomiacca z vynikami pracy nad prahramami intehracyi i prymuć rašeńnie pa dalejšych krokaŭ».
1 vieraśnia Alaksandr Łukašenka zajaviŭ, padpisać darožnyja karty płanujecca na Vyšejšym dziaržsaviecie ŭ kastryčniku-listapadzie.
«Kali my damovimsia kančatkova z prezidentam Rasii 9-ha, to 10-11-ha ŭrady źbiarucca, razhledziać, prymuć hetyja prahramy. A potym my zaćvierdzim na Vyšejšym dziaržsaviecie», — skazaŭ tady Łukašenka.
Čamu my prajhrali ŭ 2020 hodzie? Razvahi Mikoły Dziadka
Kamientary