Hetuju źjavu nazyvajuć budučyniaj internetu. Što treba viedać pra mietasuśviet?
Sacsietka Facebook niadaŭna abviaściła, što źbirajecca naniać u Jeŭropie 10 tysiač čałaviek dla raspracoŭki mietasuśvietu. Mahčyma, heta budučynia internetu.
Pakul nie isnuje ahulnapryniataha vyznačeńnia mietasuśvietu. U niečym jaho možna paraŭnać ź virtualnaj realnaściu — śvietam, stvoranym techničnymi srodkami, jaki pieradajecca čałavieku praź jaho pačućci. Adnak mietasuśviet — našmat bolš składanaja źjava. Jon adroźnivajecca ad virtualnaj realnaści hetak ža mocna, jak i sučasny smartfon adroźnivajecca ad mabilnych telefonaŭ sarakahadovaj daŭnaści, tłumačyć VVS.
Virtualnuju realnaść zvyčajna vykarystoŭvajuć dla hulniaŭ, adnak mietasuśviet moža dać našmat bolš mahčymaściej. Mietasuśviet moža stać asiarodździem dla pracy, hulni, kancertaŭ, apuskańnia ŭ kinarealnaść ci prosta dla viečaryn i sustreč ź siabrami. I bolšaść ekśpiertaŭ ličać, što čałaviečaja kamunikacyja pavinnaja stać hałoŭnym elemientam mietasuśvietu.
Bahatyja inviestary i vialikija technałahičnyja kampanii staviacca da kancepcyi mietasuśvietu ź vialikaj cikaŭnaściu. Kali za joj sapraŭdy staić budučynia internetu, nichto nie choča adstać ad mahutnaha trendu. Taksama ŭ ekśpiertaŭ jość adčuvańnie, što ciapierašniaje raźvićcio technałohii pakidaje nie tak šmat času da taho momantu, jak mietasuśviet sapraŭdy zapracuje.
Što źviazvaje Facebook i mietasuśviet
Sacsietka ličyć raspracoŭku mietasuśvietu adnym sa svaich asnoŭnych pryjarytetaŭ. Facebook, naprykład, inviestavaŭ u raspracoŭku šlema virtualnaj realnaści Oculus i zrabiŭ jaho tańniejšym za anałahičnyja hadžety kankurentaŭ. Taksama sacsietka stvaraje dadatki virtualnaj realnaści dla pracoŭnaj i niefarmalnaj kamunikacyi, u tym liku prahramy, jakija ŭzajemadziejničajuć z realnym śvietam.
Kampanija niadaŭna inviestavała 50 miljonaŭ dalaraŭ u pracu niekamiercyjnych arhanizacyj, kab sadziejničać «dobrasumlennamu stvareńniu mietasuśvietu». Adnak ekśpierty Facebook ličać, što dla sapraŭdnaj raspracoŭki technałohii treba jašče 10-15 hadoŭ.
Pierśpiektyŭnaja technałohija: hnoj na fiermach buduć apracoŭvać płaźmiennym zaradam
Brytancy stvaryli recept bietonu dla pracy na inšych płanietach. U jaho składzie — kaśmičny pył, a taksama kroŭ, pot i ślozy astranaŭtaŭ (heta nie žart)
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści6
Kamientary