Što robiać rasijskija desantniki kala biełaruska-polskaj miažy?
Siońnia na palihonie «Hožski», što ŭ Hrodzienskaj vobłaści vysadzilisia rasijskija desantniki. Ministerstva abarony Biełarusi zajaviła, što «ŭ suviazi z naroščvańniem vajennaj dziejnaści kala dziaržaŭnaj miažy Biełarusi pravodzicca pravierka adnaho z kampanientaŭ sił reahavańnia Sajuznaj dziaržavy». Što heta za pravierka?
«Na palihonie «Hožski» ździajśniajecca vysadka sumiesnaha taktyčnaha pavietranaha desanta ad SSA i pavietrana-desantnych vojskaŭ RF u składzie zvodnaj bataljonnaj taktyčnaj hrupy. Paśla desantavańnia biełaruskija i rasijskija desantniki vykanajuć zachop i ŭtrymańnie płacdarma, pošuk i źniščeńnie abjektaŭ i dyviersijna-vyviedvalnych hrup praciŭnika», — adznačaje Minabarony.
Vajenny ahladalnik Alaksandr Alesin źviartaje ŭvahu na toje, što ŭ hetym vypadku nie vypadaje stavić pad sumnieŭ viersiju Minabarony adnosna znachodžańnia rasijskich vojskaŭ na terytoryi Biełarusi — vyhladaje, na ich źjaŭleńnie paŭpłyvała abvastreńnie adnosin z Rasijaj i dośvied niadaŭniaha «zaprašeńnia» na miažu rasijskich bambardziroŭščykaŭ.
Ale, ahułam, vučeńnie z ruskimi nie vyhladaje ekstraardynarnaj źjavaj na fonie pahłyblenaj kaapieracyi vajennych struktur.
«U nas kožny hod sumiesnyja vučeńni biełaruskaha SSA z rasijskimi pavietrana-desantnymi siłami. U niekatoryja hady da 30 sumiesnych skačkoŭ u hod — to ŭ nas, to ŭ Rasii. Pry hetym adpracoŭka pravodzicca ŭ składzie adzinych padraździaleńniaŭ, bo niama moŭnaha barjera. Navat na Paŭnočny polus skakali razam. Sens u tym, što ŭ nas niama takich palihonaŭ, jak u Rasii, u Biełarusi nielha skoknuć ź vialikaj vyšyni — kraina maleńkaja, niama jak padniacca. Biełarusy jeździać taksama vučycca ŭ Razań, znajomiacca z novymi parašutami i technikaj. Zrešty, i Łukašenka kazaŭ, što ciapier buduć vučeńni za vučeńniami», — kaža Alesin.
Pakul nie zrazumieła, chto ŭ hetym vypadku vystupiŭ inicyjataram skačkoŭ — biełarusy ci rasijanie. Kułuarna viadoma, što Rasija daŭno i paśladoŭna nastojvaje na źjaŭleńni na miažy Sajuznaj dziaržavy svaich pahraničnikaŭ, jak i ŭ cełym — na źjaŭleńni ŭ Biełarusi svaich vojskaŭ.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ10
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary