Krynicy: sudziać padpałkoŭnika vajennaj raźviedki, jon moh być źviazany sa źlivami razmovaŭ vysokapastaŭlenych čynoŭnikaŭ
Jak stała viadoma «Našaj Nivie», u Minskim haradskim sudzie ŭ zakrytym režymie pačali razhladać spravu ŭ dačynieńni da padpałkoŭnika hałoŭnaha raźviedvalnaha ŭpraŭleńnia ministerstva abarony Dźmitryja Samsonava. Jaho vinavaciać adrazu pa troch artykułach Kryminalnaha kodeksa. Samsonava zatrymali jašče ŭ 2020-m.
Heta č. 1 art. 356 «Dziaržaŭnaja zdrada», č. 1 art. 375 «Metanakiravanaje razhałošvańnie słužbovaj tajamnicy» i č. 2 art. 235 «Admyvańnie» srodkaŭ, atrymanych złačynnym šlacham». Maksimalny termin pakarańnia pa artykule «Dziaržaŭnaja zdrada» — 15 hod pazbaŭleńnia voli.
Samsonaŭ, jak viadoma «Našaj Nivie», da vosieni 2020-ha byŭ supracoŭnikam Hałoŭnaha ŭpraŭleńnia vajennaj raźviedki Minabarony ŭ zvańni padpałkoŭnika. Jon słužyŭ u sakretnaj častcy 15738. Hetaje ŭpraŭleńnie, aproč inšaha, maje dostup da materyjałaŭ, atrymanych KDB, u tym liku prasłuchovak.
Krynicy «Našaj Nivy» ličać, što Samsonaŭ moh być datyčny da hučnych źlivaŭ pieramovaŭ Ejsmant, Šakuty i Baskava vosieńniu 2020-ha.
Rodnyja Samsonava nie paćviardžajuć, ale i nie abviarhajuć hetuju teoryju.
«Zatrymali jaho ŭžo jak hod. Ci źviazana heta z palityčnymi padziejami? Mahčyma, mahčyma, ja mahu ŭjavić, ale dakładna ničoha nie mahu vam skazać, mnie ničoha nie kažuć, usio sakretna», — mienavita tak adkazała «Našaj Nivie» jaho žonka na pytańnie ab mužy.
Nahadajem, paśla spravy sa źlivami razmovaŭ Ejsmant, Baskava i Šakuty, zatrymali padpałkoŭnika KDB Alaksandra Chrałoviča.
Pa viersii biełaruskich uładaŭ, Chrałovič atrymaŭ źlivy nibyta śpiecyjalna insceniravannych pieramovaŭ pamiž Ejsmant i astatnimi. Pra heta byŭ taksama źniaty film na ANT «Mankurty».
Čytajcie taksama:
«Pa nieaficyjnaj infarmacyi, jon u SIZA KDB». U Minsku źnik vieteran «Ałmaza», śpiecyjalist pa vybuchoŭkach
Ciapier čytajuć
Homielskuju sudździu, jakaja adpracavała 25 hadoŭ i zajmałasia palityčnymi spravami, vyhnali za sistematyčnyja dyscyplinarnyja parušeńni9
Kamientary