Namieśnik dziaržsakratara Rady biaśpieki raskrytykavaŭ «załaty miljard»
Namieśnik dziaržaŭnaha sakratara Rady biaśpieki Uładzimir Arčakoŭ u intervju prahramie «Jeŭrazija. Dasłoŭna» na telekanale «Mir» adreahavaŭ na abvinavačvańni ŭ adras Biełarusi ŭ raźviazvańni hibrydnaj vajny, vykazaŭsia na temu sankcyj, piša BiełTA.
Uładzimir Arčakoŭ zaznačyŭ, što horki vopyt krovapralitnych i razburalnych vojnaŭ, honki ŭzbrajeńniaŭ, bałansavańnia śvietu na miažy ŭsieahulnaj katastrofy chutka zabyvajecca. Jon źviazvaje heta z hłabalnaj kanfliktnaj kankurencyjaj za ŭsio - rynki, resursy, pradukty charčavańnia, presnuju vadu, kapitały, technałohii i navat zdaroŭje.
«Zrazumieła, što ŭ hetych umovach tak zvany załaty miljard — ZŠA i Zachad — sprabuje zabiaśpiečyć sabie niabiednaje isnavańnie za košt utapleńnia ŭsich astatnich u halečy, razrusie, vojnach i chvarobach.
Dla hetaha vyrašajecca ceły kompleks zadač. Naprykład, palityčnyja — pa ŭsim śviecie ŭstaraniajucca abo abiezhałoŭlivajucca niepažadanyja palityčnyja subjekty, jak ich ciapier pryniata nazyvać, režymy. U vyniku ŭ śviecie daminuje vyklučna jeŭraatłantyčny paradak dnia», - adznačyŭ namieśnik dziaržsakratara.
Taksama pavodle słoŭ Arčakova, abvinavačvańni ŭ adras Biełarusi i sankcyjnaja palityka źviazanyja ź niezaležnym kursam krainy.
«U hetym vypadku nas prosta vychoŭvajuć za toje, što my nie dehradzirujem, kab dahadzić hetamu «załatomu miljardu». My nie demantujem i nie razburajem dziejučyja elektrastancyi, rentabielnyja vytvorčaści, navuku, achovu zdaroŭja, adukacyju i ŭsio astatniaje. My kankurentna prysutničajem na suśvietnych tavarnych rynkach. My nie dajom pieratvaryć krainu ŭ zvałku adstałych technałohij, u ekałahičnuju dzirku, krynicu prymityŭnaj, tannaj, litaralna rabskaj, rabočaj siły», - skazaŭ jon.
«My siabrujem z Rasijaj, Kitajem i arabskim śvietam. Tamu nas nie prosta karajuć. Zachadu patrebnaje pakazalnaje bičavańnie. Litaralna publičnaja kara», — padkreśliŭ jon.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary