Dyrektarku arhanizacyi «Hienom» Darju Caryk aryštavali na 8 sutak. Pieratrusy prajšli i ŭ jaje kaleh
30-hadovuju Darju Caryk zatrymali ranicaj 13 studzienia ŭ Minsku. Akramia taho, siońnia siłaviki praviali čatyry pieratrusy ŭ pradstaŭnic praŭleńnia arhanizacyi «Radzisłava» i ich svajakoŭ. Pra heta paviedamiła ŭ svaim fejsbuku fieministka Volha Łanieŭskaja.
Supracoŭniki HUBAZIKu praviali ŭ kvatery Caryk pieratrus, a potym pavieźli na dopyt. Užo ŭ Pieršamajskim RUUS na dziaŭčynu skłali pratakoł pa administracyjnaj spravie.
Sud nad aktyvistkaj adbyŭsia ŭ hety ž dzień. Vynik — 8 sutak administracyjnaha aryštu, artykuł pakul nieviadomy.
Darja Caryk źjaŭlajecca dyrektarkaj «Hienoma» (arhanizacyja, jakaja zajmajecca dapamohaj ludziam z redkimi hienietyčnymi niejra-ciahličnymi zachvorvańniami), a taksama siabroŭkaj praŭleńnia arhanizacyi «Radzisłava» (dapamahaje žančynam i dzieciam, jakija stali achviarami chatniaha hvałtu).
Taksama Łanieŭskaja napisała ŭ paście, što aktyvistcy i mieniedžarcy «Radzisłavy» Volzie Harbunovaj praciahnuli aryšt.
Volha Harbunova — aktyvistka ŭ śfiery hiendernaha raŭnapraŭja, raniej kiravała «Radzisłavaj».
Volhu zatrymali 9 listapada. Na hety momant joj vystaŭlenaje abvinavačvańnie pavodle dvuch artykułaŭ: č. 1, 2 i 3 art. 293 KK ab masavych biesparadkach i č. 1 i 2 art. 342 KK ab arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich. Aktyvistku pryznali palitviaźniem.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia20
Kamientary