Piłotam nie dali častaty dla suviazi ź Vilniaj. Źjavilisia novyja fakty pra pasadku «Rajanejra» z Pratasievičam
Žurnalist «Hołasu Amieryki» Alaksandr Janieŭski śćviardžaje, što ŭ jaho rasparadžeńni majecca spravazdača ICAO ab incydencie z pasadkaj samalota «Rajanejr» u Minsku. Niekatoryja momanty sa spravazdačy Janieŭski apublikavaŭ u siabie ŭ Tvitary.
«Kamisija ŭstanaviła, što paštovuju skryniu, ź jakoj pastupiła pahroza pra nibyta zakładzienuju bombu, stvaryli 14 maja 2021-ha. Apošni raz jaje vykarystoŭvali 25 maja 2021-ha».
«Kamisija nie zmahła ŭstanavić, jakim čynam infarmacyja ab adpraŭcy elektronnych listoŭ u niekalki aeraportaŭ stała viadomaja dziažurnamu načalniku Minskaha RDC».
«List u aeraport Minska byŭ adpraŭleny ŭ 09:56:45, kali samalot rejsa FR4978 pačaŭ źnižacca dla pasadki ŭ im.
Taksama ŭstanoŭlena, što piłotam nie ŭdałosia źviazacca sa svajoj kampanijaj, pakolki častata dla suviazi z aeraportam u Vilni «nie dabivała» — samalot byŭ daloka. A 09:34:49 piłoty paprasili Minsk dać častatu, jakaja «dabje», ale tyja dali tuju ž častatu.
Kali b piłoty zmahli źviazacca ź Vilniaj, to pasadzili b samalot tam, a nie ŭ Minsku. «Rajanejr» źviartaŭsia da ŭładaŭ Biełarusi pa kopii lista, ale biespaśpiachova. Kampanija daviedałasia pra toje, što było ŭ liście z pahrozaj, z paviedamleńnia Departamienta pa avijacyi Biełarusi».
«Kamisija nie atrymała łohi i kopii listoŭ ad aeraporta «Minsk» — tolki skrynšoty listoŭ. Pryčyna — karespandencyja zachoŭvajecca tolki siem dzion, paśla čaho jana aŭtamatyčna pierazapisvajecca».
«U 09:48 apaviaścili biełaruskija VPS. U 10:04 z bazy ŭ Baranavičach padniali MiH-29. MiH-29 nie supravadžaŭ i nie pierachoplivaŭ samalot rejsa FR4978. Nie było zafiksavana razmoŭ pamiž piłotami samalotaŭ».
«Minski RDC (rajonny dyśpietčarski centr) apaviaściŭ centr kaardynacyi ratavalnych apieracyj pra bombu tolki paśla taho, jak samalot raźviarnuŭsia na pasadku ŭ Minsku ŭ 09:47, choć pavinien byŭ heta zrabić raniej. Ni minski RDC, ni biełaruski centr kaardynacyi ratavalnych rabot nie apaviaścili Ryanair pra incydent, choć abaviazanyja byli heta zrabić».
«Kamisija ŭstanaviła, što nacyjanalny kamitet biaśpieki Biełarusi (mahčyma, što havorka idzie pra KDB) vyrašyŭ nie pravodzić antyterarystyčnuju apieracyju».
«Evakuacyja pasažyraŭ zaniała 30 chvilin, što davoli doŭha. Jany vychodzili hrupami pa piać čałaviek i čakali kala trapa samalota, pakul ich bahaž nie budzie abśledavany. Členy ekipaža nastojvali, što evakuacyja pavinna prajści jak maha chutčej. Ale dyśpietčar aeraporta śćviardžaŭ, što ideja ab evakuacyi hrupami pa piać čałaviek naležyć ekipažu».
«Taksama nie byŭ praviedzieny dahlad ručnoj pakłažy pasažyraŭ u miescy, dzie pavietranaje sudna, jakoje znachodzicca pad pahrozaj vybuchu, nie budzie pradstaŭlać niebiaśpieki dla ludziej u vypadku vybuchu».
«Ź piaci pasažyraŭ, jakija zastalisia ŭ Minsku, troje mieli hramadzianstva Biełarusi, adzin — hrečaskaje i adzin — rasijskaje. Videa i aŭdyja z pasažyrami, jakija prachodziać mytna-pašpartny kantrol, nie zachavałasia. Častka razmoŭ ekipaža, jakaja papiaredničała ich rašeńniu nakiravać samalot u Minsk, taksama nie zachavałasia».
Čytajcie taksama: Ekśpiert ab spravazdačy ISAO pa samalocie: Nie vyklučaju, što asobnyja sankcyi buduć asłablenyja
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary