Abiastočanyja vioski, paškodžańnie aŭto, zatrymka ciahnikoŭ. MNS padviało vyniki suboty
Na 19 lutaha ŭ Biełarusi byŭ abvieščany čyrvony ŭzrovień niebiaśpieki praz mocny viecier. Niepahadź zakranuła Minskuju, Hrodzienskuju i Bresckuju vobłaści krainy. Nastupstvy padviało MNS.
Z-za mocnaha vietru z paryvami da 27 m/s paciarpieli 33 nasielenyja punkty ŭ 7 rajonach Hrodzienskaj i Minskaj abłaściej.
Supracoŭniki viedamstva zafiksavali 121 vypadak padzieńnia dreŭ. Z-za ich, a taksama ŭ vyniku padzieńnia častkaŭ dachaŭ i aharodžaŭ byli paškodžanyja 16 aŭto.
U Babrovičach Vałožynskaha rajona paškodžany piać traktaroŭ i adzin pahruzčyk. U Lachavickim rajonie i Mastoŭskim rajonie z-za padzieńnia dreŭ na čyhunačnyja rejki zatrymka ŭ ruchu troch pasažyrskich ciahnikoŭ skłała ad 23 da 30 chvilin.
Paciarpiełych niama.
Pavodle «Biełenierha», na praciahu sutak parušałasia elektrazabieśpiačeńnie 979 nasielenych punktaŭ.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary