Hienprakuratura Biełarusi adkazała «nie» na zakliki skasavać artykuł 193‑1 Kryminalnaha kodeksu. Nielha dapuścić, kab na voli hulali ŭdzielniki niezarehistravanych arhanizacyj. Piša ŭ svaim błohu na sajcie radyjo «Svaboda» Alaksiej Znatkievič.
Hienprakuratura Biełarusi adkazała «nie» na zakliki skasavać artykuł 193‑1 Kryminalnaha kodeksu. Nielha dapuścić, kab na voli hulali ŭdzielniki niezarehistravanych arhanizacyj. Piša ŭ svaim błohu na sajcie radyjo «Svaboda» Alaksiej Znatkievič.
Zakonapasłuchmianyja hramadzianie mohuć spakojna spać pad dziaržaŭnaj abaronaj — u Biełarusi takim złačyncam pahražaje da dvuch hadoŭ turmy. I nia važna, karyść ludziam ad niezarehistravanaj arhanizacyi, škoda ci ŭvohule ni choładna, ni horača.
Jak niekali patłumačyŭ prakuror na pracesie nad «maładafrontaŭcami» Ivanam Šyłam i Nastaj Azarkaj: «My sudzili b tut navat siabra niezarehistravanaha tavarystva chamiačkoŭ».
Chamiačkoŭ pakul što nie sudzili. Mahčyma tamu, što jany ŭ Biełarusi nie abjadnoŭvajucca ŭ tavarystvy. Inšaja reč ludzi: usich, chto arhanizavana niešta robić bieź dziaržaŭnaj rehistracyi ‑‑ ad bajkierskaha klubu da kamitetu, jaki sočyć za čyścinioj u padjeździe — možna pry žadańni sadžać za kraty.
Niezarehistravany? U turmu!
Pieršymi pasadzili čatyroch čałaviek z arhanizacyi «Partnerstva», jakija ŭ 2006 hodzie źbiralisia nazirać za prezydenckimi vybarami. Napačatku pa aficyjnych telekanałach ich vinavacili ažno ŭ sprobie dziaržaŭnaha pieravarotu. Ale sud vyrašyŭ, što udzieł u niezarehistravanaj arhanizacyi heta nia mienš surjozna. Dali ad 6 miesiacaŭ da dvuch hadoŭ źniavoleńnia. Vidać usio ž nazirańnie za vybarami strašniejšaje za chamiačkoŭ.
Ahułam pa artykule 193‑1 na siońnia asudzili 17 čałaviek, bolšaści davali štrafy i papiaredžańni. Apraŭdalnych prysudaŭ viadoma ž nie było.
Kaho b jašče pasadzić?
Ale šmat jakija samavolnyja kalektyŭnyja dziejańni ŭ Biełarusi dahetul zastajucca niepakaranymi. Čamu niama kryminalnaha artykułu za hulniu ŭ futboł biez rehistracyi? Albo navat u chakiej. Kab byŭ śpis, pašpartnyja dadzienyja ŭsich hulcoŭ i tolki zaćvierdžanaja spartovaja symbolika. Kamu treba, toj rehistracyju zaŭsiody atrymaje.
Chiba nia varta aryštoŭvać za hrupavoje płavańnie na adkrytych vadajomach? Nieviadoma da čaho tam ludzi mohuć dapłavacca.
Urešcie čamu nie źniavolvajuć kampanii, dzie bolš za adnaho vusataha biez rehistracyi? Što jany chočuć pakazać svaimi arhanizavanymi vusami? Davać takim da dvuch hadoŭ turmy. Kab nikomu kryŭdna nie było, baradatym da troch.
Idejaŭ dobrych šmat, ale navat strašna ich ahučvać — niechta padtrymaje, i voś my ŭžo niezarehistravanaja arhanizacyja.
-
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
-
Hurnievič adkazaŭ Čachoviču: Ja nie pačuŭ ad Sieviarynca zaklikaŭ nienavidzieć
-
Čachovič adkazaŭ Sieviaryncu: Hamafobija — pradukt łahiernaha myśleńnia homo sovieticus, a nie chryścijanskaja kaštoŭnaść
Kamientary