Alaksieja Navalnaha asudzili na jašče dzieviać hadoŭ strohaha režymu
Alaksieja Navalnaha prysudzili da dzieviaci hadoŭ strohaha režymu pa spravie ab machlarstvie i niepavazie da suda. Sud prajšoŭ u kałonii, dzie adbyvaje termin palityk.

Sud prajšoŭ u kałonii ŭ Pakrovie va Uładzimirskaj vobłaści, dzie Navalny adbyvaje termin pa spravie «Iŭ Raše».
Navalnaha ciapier pryznali vinavatym u machlarstvie i abrazie sudździ. Śledstva ličyła, što palityk fiktyŭna vyłučyŭsia ŭ prezidenty ŭ 2018 hodzie, sabraŭ danaty i patraciŭ ich na asabistyja patreby.
Taksama razhladaŭsia epizod prajavy niepavahi da sudździ padčas razhladu spravy ab paklopie na vieterana Ihnata Arciomienku.
Taksama Navalnaha aštrafavali na 1,2 młn rasijskich rubloŭ.
Alaksiej Navalny znachodzicca za kratami z 17 studzienia 2021 hoda. Jon byŭ zatrymany paśla viartańnia ŭ Rasiju ź Niamieččyny. Praź niejki čas jamu zamianili ŭmoŭny termin pa spravie «Iŭ Raše» na realny (2 hady i 8 miesiacaŭ).
Kamientary