Hienprakuratura raspačała kryminalnuju spravu z-za bieła-čyrvona-biełaha ściaha ŭ Buchienvaldzie
Hienieralnaja prakuratura raspačała kryminalnuju spravu z-za taho, što na terytoryi miemaryjalnaha kompleksu «Buchienvald» zamiest dziaržaŭnaha ściaha paviesili bieła-čyrvona-bieły.
«Padobnyja dziejańni nosiać jaŭna cyničny charaktar, prynižajuć honar i hodnaść biełarusaŭ. Heta jašče i ździek z pamiaci ab miljonach tych, chto zahinuŭ na terytoryi Biełarusi ŭ hady Vialikaj Ajčynnaj vajny», — piša viedamstva.
Nijakaj niečakanaści ŭ hetym niama. Zaviadzieńnie kryminalnych spraŭ u apošnija hady — univiersalnaja reakcyja Hienieralnaj prakuratury na lubyja nie tolki ŭnutranyja, ale i źniešnija razdražnialniki. U dačynieńni da padziej za miažoj hetyja dziejańni nosiać chutčej rytualna-simvaličny charaktar, pakolki ad pačatku vidavočna, što nichto na Zachadzie zapyty biełaruskich prakuroraŭ na pryciahnieńnie kahości da adkaznaści razhladać nie budzie.
10 krasavika adbyŭsia šerah mierapryjemstvaŭ, pryśviečanych ušanavańniu pamiaci viaźniaŭ kancłahieraŭ Buchienvald i Dora-Mitelbaŭ ŭ Hiermanii. Aficyjnyja delehacyi Rasii i Biełarusi arhanizatary paprasili nie pryjazdžać na mierapryjemstva, ale demakratyčnyja siły byli pradstaŭlenyja.
Zamiest pradstaŭnikoŭ aficyjnaha Minska ad Biełarusi byŭ zaprošany kiraŭnik Nacyjanalnaha antykryzisnaha ŭpraŭleńnia Pavieł Łatuška, a zamiest dziaržaŭnaha čyrvona-zialonaha na fłahštoku byŭ paviešany bieła-čyrvona-bieły ściah.
Kamientary