Mastačka ź Pieciarburha zamianiła ceńniki ŭ kramie na ŭlotki pra Maryupal. Joj pahražaje da 10 hadoŭ
Picierskuju mastačku Sašu Skačylenka adpravili za kraty da 1 červienia čakać suda pa kryminalnaj spravie ab zamienie ceńnikaŭ u kramie na ŭlotki ź infarmacyjaj pra dziejańni rasijskich vajskoŭcaŭ u Maryupali.
Joj pahražaje da 10 hadoŭ pazbaŭleńnia voli za «raspaŭsiudžvańnie fejkaŭ pra rasijskija uzbrojenyja siły pa matyvach palityčnaj varožaści».
Sud ab miery strymańnia išoŭ piać hadzin. Sudździa pa patrabavańni śledčych vyrašyła pravieści pasiadžeńnie ŭ zakrytym režymie.
«Ja nie čakała takoj padtrymki, što stolki ludziej pryjdzie. Mianie abvinavačvajuć u tym, što ja rablu niešta drennaje, kali vystupaju za mir, ale padtrymka ludziej pakazvaje, što heta nie tak», — skazała Skačylenka byłym kaleham.
Na žančynu daniesła pakupnica kramy. Mastačka pryznała fakt raspaŭsiudžvańnia ŭlotak, ale infarmacyju ŭ ich iłžyvaj nie ličyć.
Dahetul za takija akcyi ŭ kramach u Pieciarburha i inšych haradach zatrymlivali aktyvistaŭ, ale im stavili ŭ vinu nie kryminalny, a administracyjny artykuł ab dyskredytacyi vojska.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary