Hramadstva6767

Paźniak na kanfierencyju ŭ Vilni: U palityčnym sensie było b lepš hetuju hrupoŭku likvidavać

Zianon Paźniak stroha raskrytykavaŭ kanfierencyju «Novaja Biełaruś», što prajšła ŭ Vilni 8—9 žniŭnia.

Zianon Paźniak. Fota: skrynšot ź Jutub-kanała «Žyćcio-malina»

Zajava Paźniaka ad 8 žniŭnia apublikavanaja ŭ fejsbuku.

«Vybaračna prahladzieŭ vystupy i havorki na kanfierencyi «Ofisa» 8-ha žniŭnia ŭ Vilni. Toje, što było ŭbačana i pačuta, — heta žachliva. Voś jaki surahat uspłyvaje na pavierchniu, kali ŭ krainie źniščyli nacyjanalny palityčny kłas. Hrupniki navat u hetych umovach akupacyi i vajny znoŭ paŭtaryli ŭsie svaje kałabarancka-rasijskija dohmy», — piša Zianon Paźniak.

Na jaho dumku, na pačatku kanfierencyi pakazali fantastyčny rekłamny rolik, dzie było paviedamlena pra nievierahodnyja zasłuhi Ofisa.

«Było skazana, što baraćba ŭ Biełarusi z režymam pačałasia z 2020 hoda, što treba pravieści vybary prezidenta pa starym łukašysckim zakanadaŭstvie, a potym — pryniać novuju kanstytucyju. Pry hetym ahient «Rajmon» (jon ža Labiedźka), jaki hrobiŭ niezaležnaść jašče razam z Łukašenkam, nazvaŭ siabie «Deputatam Niezaležnaści» i h. d. — usio pa starych prajektach i maskoŭskich kliše z 2020 hoda», — aburyŭsia Paźniak.

Adzinym razumnym vystupam jon nazvaŭ pramovu byłoha prakurora Aleha Talerčyka (adnaho z kiraŭnikoŭ «Bajpoła»), bo jon rastłumačyŭ, čamu treba viarnuć zakonnuju Kanstytucyju 1994 hoda i pravieści nie prezidenckija, a parłamienckija vybary.

«Usie rabili vyhlad, što Cichanoŭskaja jość niejkaja «lehitymnaja asoba». Hetaje tłumnaje samaašukanstva sabranych asobaŭ sapraŭdy ŭražvaje. Kalektyŭnaja prastracyja śviadomaści», — aceńvaje Paźniak.

«U palityčnym sensie było b lepš kab hetuju hrupoŭku ŭvohule likvidavać (i nie hulacca ź joj), bo, kali ŭjavić horšaje, što Kramlu ŭdasca syhrać da kanca hetuju svaju partyju ź Cichanoŭskaj-Babarykam, to Biełaruś znoŭ apyniecca ŭ łapach užo novaj paślapucinskaj Rasii», — padsumavaŭ palityk.

***

Cikava, što ŭčora, 9 žniŭnia, čalec Abjadnanaha pierachodnaha kabinieta Valeryj Sachaščyk u svaim vystupie zajaviŭ, što damoviŭsia z Paźniakom ab supracoŭnictvie.

«Razam z tym my ź im damovilisia, što pa viartańni ja jamu paviedamlu pra toje, što adbyłosia, ja dumaju, što jon sočyć za padziejami, u nas ź im adbyłasia damoŭlenaść, ja jamu skazaŭ svaju dumku, što biełarusy pierastanuć svarycca, abjadnajucca ŭ adno cełaje, u adnu siłu. Jon skazaŭ: «Valera, kali heta tak, ja z vami, pracuju ŭ supolnaj kamandzie, rašajem usie zadačy razam», ja ŭpeŭnieny, što tak i budzie, i bolš pytańniaŭ nie budzie, dzie Zianon Stanisłavavič, čamu jon nie z nami», — skazaŭ Sachaščyk.

Kamientary67

  • Antonioni
    10.08.2022
    Chopić užo Zianona, čałaviek absalutna adarvany ad realnaści. Z takim ža pośpiecham možna i ŭ Šareckaha niešta zapytać))
  • AlesGut
    10.08.2022
    Dziakuj za publikacyju mierkavańnia Zianona. Historyju treba viedać usim
  • AlesGut
    10.08.2022
    Antonioni, u čym adarvany, labiedźka nie ahient Rajmon i nie niščyŭ niezaležnaść razam z Łukoj?

Ciapier čytajuć

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali18

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali

Usie naviny →
Usie naviny

U Minsku zatrymali piensijaniera, jaki čyniŭ samasud nad kiroŭcami2

Chłopcu z Bresta niama i 15-ci, a ŭ jaho ŭžo 52-hi pamier nahi i rost bolš za 2 mietry6

Vialikabrytanija nazvała imiony 18-ci pucinskich špijonaŭ

U Rasii nazvali canu na novy aŭtamabil Lada Iskra5

U Navapołacku zafiksavali złaviesna-pryhožyja małanki na zachadzie sonca FOTAFAKT

Lasnyja pažary sioleta źniščyli ŭ Jeŭropie terytoryju pamieram ź Luksiemburh1

Byłoha futbalista «Krumkačoŭ» asudzili za ŭdzieł u pratestach1

Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać19

ZŠA pakazali ŭłasny anałah iranskaha drona-kamikadze1

bolš čytanych navin
bolš łajkanych navin

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali18

Dziaržaŭnyja kanały niečakana pakazali, jak vyhladajuć rezidencyi Łukašenki znutry. Raniej kamiery tudy nie traplali

Hałoŭnaje
Usie naviny →

Zaŭvaha:

 

 

 

 

Zakryć Paviedamić