Pa fakcie «zavyšeńnia cenaŭ» raspačali ŭžo 10 kryminalnych spraŭ
Heta vynikaje sa spravazdačy Kamiteta dziaržaŭnaha kantrolu.
Pavodle viedamstva, za vychadnyja tolki ŭ Minskaj vobłaści było pravierana bolš za 400 handlovych abjektaŭ.
Dyrektar Departamienta finansavych rasśledavańniaŭ KDK Ihar Maršałaŭ pryvioŭ prykład adnoj sa spraŭ. Pavodle jaho, Barysaŭskamu miasakambinatu byli naniesienyja straty z-za zavyšeńnia koštaŭ na rekłamu.
Niejki mahiloviec raźmiaściŭ u radyjoefiry rekłamu ab pradukcyi miasakambinata. Pry hetym jon atrymaŭ za pasłuhu «hrašovyja srodki, jakija ŭ 10 razoŭ pieravyšajuć faktyčna paniesienyja vydatki pry akazańni pasłuh pa raźmiaščeńni rekłamy», paviedamiŭ Maršałaŭ. Hety mahiloviec zatrymany, suprać jaho raspačataja kryminalnaja sprava.
Kamientary