«Dla pavyšeńnia kankurentazdolnaści ajčynnaj adukacyi». Admieniać adterminoŭku ad pryzyvu dla junakoŭ, što vučacca za miažoj
Deputaty pryniali ŭ pieršym čytańni prajekt zakona, jakim, u pryvatnaści, udakładniajucca padstavy dla nadańnia prava na adterminoŭku ad pryzyvu na vajskovuju słužbu, paviedamlaje «Sputnik».
Hety prajekt zakona pradstaviŭ namieśnik ministra ŭnutranych spraŭ — načalnik kryminalnaj milicyi MUS Hienadź Kazakievič.
«U zakon «Ab vajskovym abaviazku i vajskovaj słužbie» ŭnosiacca karekciroŭki, nakiravanyja na pavieličeńnie kolkaści pryzyŭnych resursaŭ, nieabchodnych dla kamplektavańnia vojskaŭ i pavyšeńnie kankurentazdolnaści ajčynnaj adukacyi», — skazaŭ jon.
Pavodle jaho słoŭ, prajektam zakona prapanujecca nadavać adterminoŭku vyklučna tym studentam, jakija nakiravanyja na vučobu za miažu dziaržavaj.
«Prajektam zakona praduhledžvajecca nadańnie adterminoŭki ad pryzyvu dla praciahu adukacyi hramadzianam, jakija navučajucca za miažoj na vočnaj formie tolki pa nakiravańni respublikanskich orhanaŭ dziaržkiravańnia abo dziaržaŭnych arhanizacyj», — skazaŭ Kazakievič.
Pavodle jaho słoŭ, prajektam zakona prapanujecca skaracić kolkaść asob, jakija atrymlivajuć adterminoŭku ad pryzyvu.
Kamientary