Nacbank vyklučyŭ jeŭra z košyka valut, zamianiŭ jaho dolu na rasijski rubiel
Z 12 śniežnia 2022 hoda jeŭra vyklučać z košyka zamiežnych valut. Pra heta paviedamiła pres-słužba Nacbanka.
Vyklučeńnie jeŭra z valutnaha košyka Nacbank tłumačyć pavieličeńniem abjomaŭ źniešniaha handlu z Rasijaj i Kitajem i pašyreńniem vykarystańnia valut hetych krain pry źniešniehandlovych apieracyjach, a taksama adnačasovym skaračeńniem tavaraabarotu z krainami ES i raźlikaŭ u jeŭra.
«U hetych umovach źmianiłasia struktura handlovych apieracyj u AAT «Biełaruskaja valutna-fondavaja birža». Adbyłosia pavieličeńnie abjomu ździełak z rasijskim rublom i ich doli ŭ ahulnym abjomie biržavych tarhoŭ pry adnačasovym źnižeńni abjomu i ŭdzielnaj vahi apieracyj ź jeŭra», — tłumačać u Nacbanku.
Paśla vyklučeńnia jeŭra z košyka valut dola rasijskaha rubla ŭ im budzie zajmać 60%, dalara — 30%, kitajskaha juania — 10%.
Z 15 lipienia 2022 h. skład košyku valut byŭ taki: rasijski rubiel — 50%, dalar — 30%, jeŭra — 10%, kitajski juań-10%.
Pry hetym praviadzieńnie tarhoŭ jeŭra na Biełaruskaj valutna-fondavaj biržy praciahniecca, a aficyjny kurs biełaruskaha rubla da jeŭra budzie vyznačacca na padstavie infarmacyi ab kros-kursie jeŭra da dalara na mižnarodnych finansavych rynkach, adznačajuć u Nacbanku.
Mnohija ekanamisty ličać ciapierašni kurs rasijskaha rubla niarynkavym i zavyšanym. Zaraz biełaruski rubiel budzie ŭ bolšaj stupieni pryviazany da hetaha kursa.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?12
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary