Čyhunka: Z-za śniehu spaźniłasia 50 ciahnikoŭ, zatrymki byvali da 5 hadzin
U apošnija sutki ŭmovy nadvorja — miacielica, mokry śnieh, ledziany doždž i paryvisty viecier — surjozna ŭskładnili pracu Biełaruskaj čyhunki: pryjšłosia zadziejničać ceły park śpiectechniki i śniehaŭboračnych mašyn dla avaryjna-adnaŭlenčych rabot, paviedamiła pres-słužba Biełaruskaj čyhunki.
U BČ raskazali, što niepahadź pryviała da abledzianieńnia pravadoŭ i padzieńnia dreŭ na čyhunku i jaje infrastrukturu, na niekatorych učastkach — ahulnaj praciahłaściu kala 140 km — adklučyłasia elektrazabieśpiačeńnie.
Sa spaźnieńniem prybyło bolš za 50 pasažyrskich ciahnikoŭ, zatrymka ich skłała ad 15 chvilin da 5 hadzin. Byli ciažkaści i ŭ hruzavych ciahnikoŭ. Nastupstvy niepahadzi na čyhuncy da kanca jašče nie likvidavanyja.
Biełaruskaja čyhunka prynosić prabačeńni pasažyram za niazručnaści i prosić z razumieńniem adnieścisia da situacyi, jakaja skłałasia. Kali pasažyry chočuć viarnuć kvitki ci atrymać kampiensacyju z-za spaźnieńnia ciahnikoŭ, im treba źviartacca ŭ biletnyja kasy.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś17
Kamientary