U viačerniaj prahramie «Panarama» na telekanale «Biełaruś 1» pakazali siužet, pryśviečany pachavańniu niadaŭna niečakana pamierłaha prapahandysta 49-hadovaha Mikałaja Ščokina. Jahonaja blizkaja znajomaja ŭ efiry skazała, što pryčynaj śmierci staŭ adarvany tromb.
Na pachavańni, pavodle śćviardžeńnia prapahandystaŭ BT, było «mora ludziej i mora kvietak». Kamiery, praŭda, asablivych čerhaŭ nie zafiksavali. Nie byli zaŭvažanyja ŭ kadrach i dziejnyja vysokija čynoŭniki. Za vyklučeńniem łukašenkaŭskaj pres-sakratarki Natalli Ejsmant, jakaja pryniesła vianok ad svajho načalnika i pieradała padziaku za viernuju słužbu, asabliva ciaham apošnich dvuch hadoŭ.
Akramia Natalli Ejsmant, prysutničali i havaryli vysokija słovy pra vartaści niabožčyka kiraŭniki dziaržaŭnych kanałaŭ Ivan Ejsmant i Marat Markaŭ, a taksama adyjozny prapahandyst z STB Ryhor Azaronak. Ź inšych viadomych asob byli zaŭvažanyja kolišniaja ministarka pracy i sacyjalnaj abarony Maryjana Ščotkina i kiraŭnica łukašenkaŭskaha Biełaruskaha sajuza žančyn Volha Špileŭskaja.
Z vykazvańniaŭ siabroŭ, znajomych i kaleh Ščokina, jakija siarod inšaha kazali i pra «vielmi vysokuju maralnuju płanku» niabožčyka i kanstatavali, što «prahnozy jahonyja zbylisia», možna zrazumieć, što doktarskuju navukovuju stupień, pra jakuju, jak śćviardžajecca, prapahandyst vielmi maryŭ, jamu zaćvierdziać paśmiarotna.
Pachavali Ščokina na Čyžoŭskich mohiłkach.
Budźcie aściarožnyja ŭ kamientarach u sacyjalnych sietkach pra hetaha čałavieka. Nahadajem, što łukašenkaŭcy masava aryštoŭvajuć za kamientary.
Čytajcie taksama:
«Maskva, Kijeŭ, Minsk — heta try braterskija siastry». Pra što kazaŭ u svaich vystupleńniach prapahandyst Ščokin
Pamior prapahandyst Mikałaj Ščokin
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary