Što pahladzieć. «Adny z nas» (The Last of Us) — absalutna zachaplalnaja antyŭtopija
Amierykanski kanał NVO prezientavaŭ u studzieni doŭhačakanuju navinku «Adny z nas» — sieryjalnuju adaptacyju kampjutarnaj hulni 2013 hoda The Last of Us. Ad vyniku ŭ zachapleńni i krytyki, i fanaty hulni. Raskazvajem, čamu i vam varta pahladzieć navinku.
Najlepšyja adaptacyi nie prosta imitujuć zychodny materyjał, ale taksama imknucca ŭzbahacić jaho dla tych, chto ź im znajomy, i adnačasova adkryć niezvyčajna cikavuju historyju tym, chto nie viedaje zychodnik. Stvaralniki sieryjała «Adny z nas» (siarod jakich Krejh Mazin, adzin z aŭtaraŭ «Čarnobyla») tak i robiać. Heta bliskučy pierakaz adnoj z samych papularnych videahulniaŭ, jaki pieraasensoŭvaje toje, što zrabiła jaje takoj asablivaj dla mnohich, i dazvalaje joj znoŭ uražvać i ašałamlać, raskazvaje ign.com.
Dziakujučy dźvium fienamienalnym hałoŭnym rolam i cudoŭnamu bačańniu taho, što značyć znajści nadzieju i kachańnie ŭ śviecie, jaki admaŭlaje heta, «Adny z nas» zachaplaje ad pieršaha epizodu da apošniaha. Kali vy hulali ŭ The Last of Us, to možacie viedać asnoŭnyja linii siužeta, ale horšym sieryjał ad hetaha nie stanie, bo ŭ siužecie mohuć być adchileńni.
Padčas prahladu my traplajem u postpandemičny śviet, dzie niešmatlikija ludzi imknucca vyžyć siarod zombi i śmiarotnaj chvaroby. Historyja razvaročvajecca vakoł kantrabandysta Džoeła, jakomu treba davieźci dziaŭčynu Eli na zachad Amieryki, jakuju za apošnija 20 hadoŭ spustošyła žudasnaja hrybkovaja pandemija. Nie ŭsio idzie spakojna, bo za kožnym roham hierojaŭ čakaje niebiaśpieka jak u ludskim, tak i ŭ nialudskim abliččy.
Siužet nie mocna adchilajecca ad pieršakrynicy, ale časam aŭtary adstupajuć ad jaje, kab pralić śviatło na raniej nieviadomyja elemienty śvietu hulni The Last of Us. Kali i jość źmieny, to jany nikoli nie vyhladajuć naviazanymi, a idealna ŭpisvajucca ŭ estetyku hulni. Sieryjał cikava raskazvaje pra dapandemijny śviet, znajomić z žyćciom hramadstva jak da, tak i paśla vybuchu chvaroby.
«Adny z nas» ad NVO — heta zachaplalnaja adaptacyja kłasnaj historyi ź videahulniaŭ. Dziakujučy cudoŭnaj akciorskaj ihry Bieły Remsi i Piedra Paskala, vykanaŭcaŭ hałoŭnych rolaŭ, my atrymlivajem šou, u jakim fanaty hulni-pieršakrynicy znojduć dla siabie novyja detali, a pačatkoŭcy ŭ realnaści Džoeła i Eli adkryjuć dla siabie historyju z zachaplalnaha boku.
Rejtynhi na vialikich suśvietnych resursach:
IMDB — 9,4/10
Rotten Tomatoes — 99% (krytyki), 96% (hledačy)
Što pahladzieć. «Karol Tałsy» (Tulsa King) — debiut Stałone ŭ sieryjałach
Biełaruska ŭ žury «Załatoha hłobusa» raskazała, jak vyznačała pieramožcaŭ kinapremii, i paraiła filmy dla prahladu
Top sieryjałaŭ ad žurnalistaŭ «Našaj Nivy». Niekatoryja ź ich dakładna stanuć adkryćciom dla vas
-
Film «Kłasnaja»: pahladzieli jaho, kab zrazumieć, jakimi «jany» chočuć bačyć «nas»
-
Novy film z Dy Kaprya idzie amal try hadziny, a scenar da jaho pisaŭsia 20 hadoŭ. Ci varta hladzieć?
-
U Kitai aŭstralijski film puścili ŭ prakat źmienienym z dapamohaj štučnaha intelektu. Hiej-paru pieratvaryli ŭ hieterasieksualnuju
Ciapier čytajuć
Praca fizičnaha ofisa Cichanoŭskaj u Vilni časova prypyniena34
Kamientary