Palašuk stvaryŭ svaimi rukami ŭsiudychod i haniaje na im u jahady
Žychar Stolinskaha rajona Ivan Harmančuk vystaviŭ na prodaž usiudychod. Mužčyna stvaryŭ jaho svaimi rukami z detalaŭ ad samych roznych mašyn i navat BTR. Na im jon haniaje pa paleskim biezdaražy ŭ jahady. Mužčyna kaža, što mašyna moža spatrebicca palaŭničym abo prosta amataram ekstrymu. Vydańnie «Hancavicki čas» pahavaryła z narodnym umielcam.
Ivan žyvie ŭ vioscy Chotamiel Stolinskaha rajona. Hety kraj słavicca pracavitymi ludźmi, ahurkovym biznesam, a taksama jahadami i bałotami. Mienavita dla padarožžaŭ pa jahady Ivan Harmančuk stvaryŭ usiudychod, jaki projdzie ŭ ciažkadastupnyja miescy. Ciapier viaskovy ŭmielec pradaje hetuju mašynu na sajcie abjaŭ za 6 300 dalaraŭ.
Jak raskazaŭ Ivan karespandentu «Hancavickaha času», u jaho niama nijakaj śpiecyjalnaj adukacyi pa kanstrujavańni techniki, jon samavuk, jaki lubić važdacca z mašynami. «Vučyŭsia na kiroŭcu ŭ Łunincy, maju siaredniuju adukacyju. Z małych hadoŭ prosta cikaŭlusia technikaj», — raspavioŭ Ivan.
Heta ŭžo druhi ŭsiudychod, jaki jon stvaryŭ.
«Na stvareńnie pajšło kala hoda. Moža mienš. Žaleza ŭsio kuplaŭ, koły dastavaŭ užyvanyja ŭ ludziej, masty na razborkach», — kaža Ivan.
Kryły, kabinu ŭsiudychoda jon rabiŭ sam. Vyhinaŭ dźviery, ustaŭlaŭ škło. Prytym tam navat elektrapadjomniki škła jość. A kapot abrazaŭ z «Džety».
«Bałoty jość niedaloka ŭ nas. Jeździm u čarnicy, u žuraviny. U mašyny vialikaja prachodnaść, zručna. Takaja mašyna moža spatrebicca rybakam, palaŭničym, amataram ekstrymu, skažam tak», — kaža Ivan.
Z čaho sabranaja mašyna, što jość
- Padklučajecca poŭny pryvad
- Koły KrAZ «łapać» palehčanyja
- Staić razdatka BTR
- Masty «vołhaŭskija»
- Ruchavik 2.2 d ad «łahuny»
- Usie elemienty kuzava i kabiny zroblenyja ŭručnuju
- Elektrapadjomniki škła
- Labiodka na 2,5 t
- Jość hidraŭlika
- Śviatło, habaryty, pavarotniki — usio jość
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2
Kamientary
poniała nakoniec-to, počiemu nie lublu hruboje vtoržienije
voobŝie nikakoje vtoržienije nie lublu