«Sutnaść razumiejem, formu nie prymajem». Zbornaja Francyi źviarnułasia da pratestoŭcaŭ
Futbalisty zaklikali žycharoŭ spynić biesparadki i hvałt na vulicach krainy. Pra heta havorycca ŭ adkrytym liście, jaki ŭ svaim tvitary apublikavaŭ Kilijan Mbape.
«Jak i ŭsie francuzy, my byli ŭzrušanyja žorstkaj śmierciu junaha Naela. Paśla hetaj trahičnaj padziei my stali śviedkami prajavy narodnaha hnievu, sutnaść jakoj razumiejem, ale formu nie možam uchvalić. <…> Hvałt ničoha nie vyrašaje, tym bolš što jon niepaźbiežna i niastomna abaročvajecca suprać tych, chto jaho vykazvaje, ich siemjaŭ, blizkich i susiedziaŭ. Heta vaša ŭłasnaść, jakuju vy razburajecie, vašy kvartały, vašy harady», — skazana ŭ liście.
Udzielniki biesparadkaŭ padpalvajuć budynki i aŭtamabili, uryvajucca ŭ kramy pa ŭsioj krainie, u tym liku ŭ Marsieli, Lijonie, Tułuzie, Strasburhu, Lili i Paryžy, u adnym z pryharadaŭ jakoha — Nantery — i zahinuŭ 17-hadovy padletak.
Niepaŭnaletni Nael, ałžyrac pa pachodžańni, u aŭtorak ranicaj byŭ spynieny palicejskim patrulom za rulom aŭtamabila Mercedes za parušeńnie praviłaŭ i zastreleny. Palicyjanty spačatku zajavili, što padletak sprabavaŭ źbić ich, ale na apublikavanym paźniej videa zdareńnie vyhladaje inakš.
Z tych časoŭ kožnuju noč francuzskija harady achoplivajuć biesparadki. Aryštavanyja sotni čałaviek.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii42
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary