Niejmavierna, ale fakt. U Minsku prajazny na adzin vid transpartu kaštuje daražej, čym na try vidy. Jak takoje moža być
Dniami raskazvałasia, što prajazny na ŭsie šeść vidaŭ haradskoha hramadskaha transpartu ŭ Minsku padaražeŭ i ciapier kaštuje bolš za 100 rubloŭ (a dakładniej — 102,24 rubla). Ale heta jašče nie ŭsie cudy. Prajazny na adzin vid transpartu kaštuje daražej, čym na dva i navat na try vidy, jak piša Blizko.by.
Havorka idzie pra sumieščanyja prajaznyja: naziemny transpart ad «Minsktransa» plus elektryčki tak zvanych «haradskich linij» ad BČ. Paśla pavyšeńnia taryfaŭ na prajezd na ciahniki prajazny tolki na haradskija elektryčki kaštuje daražej, čym prajazny na tyja ž haradskija elektryčki plus jašče adzin-dva vidy transpartu.
Hladzim taryfy.
Na 3 sutak
- 1 vid transpartu (haradskija linii): 15,61 rubla
2 vidy transpartu («aŭtobus — haradskija linii», abo «tralejbus — haradskija linii», abo «tramvaj — haradskija linii»): 15,43 rubla
Na 5 sutak
- 1 vid transpartu (haradskija linii): 20,07 rubla
- 2 vidy transpartu («aŭtobus — haradskija linii», abo «tralejbus — haradskija linii», abo «tramvaj — haradskija linii»): 19,67 rubla
- 2 vidy transpartu («mietro — haradskija linii»): 19,99 rubla
- 3 vidy transpartu («aŭtobus — tralejbus — haradskija linii», abo «aŭtobus — tramvaj — haradskija linii», abo «tralejbus — tramvaj — haradskija linii»): 19,92 rubla
Na 10 sutak
- 1 vid transpartu (haradskija linii): 33,45 rubla
- 2 vidy transpartu («aŭtobus — haradskija linii», abo «tralejbus — haradskija linii», abo «tramvaj — haradskija linii»): 32,61 rubla
- 2 vidy transpartu («mietro — haradskija linii»): 33,14 rubla
- 3 vidy transpartu («aŭtobus — tralejbus — haradskija linii», abo «aŭtobus — tramvaj — haradskija linii», abo «tralejbus — tramvaj — haradskija linii»): 32,90 rubla
- 3 vidy transpartu («aŭtobus — mietro — haradskija linii», abo «tralejbus — mietro — haradskija linii», abo «tramvaj — mietro — haradskija linii»): 33,31 rubla
I tolki pačynajučy z 20-sutačnych prajaznych kartka na 1 vid (haradskija linii) budzie abychodzicca tańniej, čym na 2 vidy.
Pa praviłach, kali pasažyr kuplaje prajazny na aŭtobus — tralejbus — tramvaj, to jamu taksama dastajecca prava jeździć i na aŭtobusach-ekspresach. Atrymlivajecca, što prajazny na 1 vid (haradskija linii) ciapier tolki na 47 kapiejek tańniejšy (abo na 1,4%), čym na 5 vidaŭ (aŭtobus, tralejbus, tramvaj, aŭtobus-ekspres, haradskija linii)!
Imavierna, paśla padaražeńnia prajezdu ŭ astatnim haradskim transparcie («Minsktrans» i «Minski mietrapaliten») suadnosiny cen na prajaznyja bilety stanuć zvykłymi: čym bolš vidaŭ transpartu — tym daražej.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ11
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary