Śviet

Kyrhyzstan pad ciskam ZŠA abmiažoŭvaje tranzit sankcyjnych tavaraŭ u Rasiju

Ułady Kyrhyzstana ŭzmocniać ekspartny kantrol za tavarami vajskovaha i padvojnaha pryznačeńnia. Tak u Minekanomiki hetaj krainy adreahavali na niadaŭniuju publikacyju The Washington Post pra płany ZŠA ŭvieści sankcyi suprać kyrhyzskich kampanij za dapamohu Rasii, piša «Kommiersant».

Prezident Kyrhyzstana Sadyr Žaparaŭ na paradzie ŭ Maskvie 9 maja 2023 hoda. Fota: Gavriil Grigorov, Sputnik, Kremlin Pool Photo via AP

Krynicy The Washington Post zajaŭlali, što Biškiek aktyŭna pastaŭlaje Maskvie tavary padvojnaha pryznačeńnia, u tym liku čypy i drony z Kitaja i Paŭdniovaj Karei. Paśla hetaha ŭłady Kyrhyzstana zajavili, što buduć bolš dbajna sačyć za reekspartam tavaraŭ u Rasiju i navat hatovyja pravieści kansultacyi z ambasadarami ZŠA i ES.

Praz heta Maskva moža stracić jašče adzin važny tranzitny chab.

Pavodle padlikaŭ surazmoŭcaŭ «Kommiersanta», bujnyja amierykanskija čynoŭniki pahražali ŭvieści sankcyi suprać krain SND jak minimum trojčy. U vyniku ŭ mai pad abmiežavańni padpali adzinkavyja pradpryjemstvy z Kyrhyzstana i Armienii.

Miarkujučy z publikacyi The Washington Post, ciapier ZŠA majuć namier značna stražej pakarać Biškiek, pakolki za hod hetaja centralnaazijackaja kraina pavialičyła ekspart u Rasiju ažno na 250%. Heta moža stać važnym sihnałam dla ŭsich astatnich partnioraŭ Maskvy na postsavieckaj prastory.

Paśla papiarednich pahroz amierykanskich uładaŭ stražej staŭ kantralavać tavarny i finansavy abarot z Rasijaj Kazachstan, paśla čaho Kyrhyzstan staŭ ci najhałoŭniejšaj alternatyvaj dla rasijskaha biznesu.

Ciapier, jak prahnazujuć rasijskija ekśpierty, «pačnucca składanaści pa ažyćciaŭleńni płaciažoŭ. Spačatku havorka idzie pra tavary padvojnaha i vajskovaha pryznačeńnia, a potym śpis užo budzie raspaŭsiudžvacca naohuł na ŭsio, jak my heta bačyli pa Kazachstanie. Miesiac-try — i my zaŭvažym skaračeńnie aktyŭnaści na kyrhyzskim kirunku».

Siarod dastupnych tranzitnych alternatyŭ dla Rasii pa-raniejšamu zastajecca Kitaj i Turcyja, jakaja, zrešty, taksama zrabiła praviły stražejšymi. Jość jašče krainy afrykanskaha kantynienta, ale heta pakul nieapracavanyja maršruty, jakija da taho ž značna daražejšyja, adznačajuć ekśpierty.

Zrešty, lubyja pastražeńni kantrolu pryvodziać tolki da pavieličeńnia terminaŭ dastaŭki i rostu cenaŭ, a kardynalnych paharšeńniaŭ moža i nie być, supakojvajuć inšyja ekśpierty.

Hetyja abmiežavańni mohuć zakranuć i Biełaruś, bo ŭ jaje z Kyrhyzstanam taksama apošnim časam značna ŭzraśli ekanamičnyja suviazi. Niadaŭna pasoł Kyrhyzstana ŭ Biełarusi Ermiek Ibraimaŭ acaniŭ rost ekspartna-impartnych apieracyj ź Biełaruśsiu ŭ 150-200%.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełaruski IT-miljarder Hurski: Maju pieršuju žonku zabiŭ hiembler3

Biełaruski IT-miljarder Hurski: Maju pieršuju žonku zabiŭ hiembler

Usie naviny →
Usie naviny

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

Navukoŭcy vyśvietlili, jakija pradukty ŭ racyjonie žančyn siarednich hadoŭ pavyšajuć šancy na zdarovaje stareńnie

Piać hadoŭ tamu ŭ Hrodnie zatrymali Siarhieja Cichanoŭskaha6

«Moj termin paŭnamoctvaŭ padychodzić da kanca». Iłan Mask pakidaje administracyju Trampa4

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

U Francyi dziciačy chirurh hvałciŭ pacyjentaŭ, kali jany byli pad narkozam5

Siłaviki pryjšli ŭ «Viačerni Babrujsk», «Babrujsk Info» i «Volnaje Hłybokaje»8

bolš čytanych navin
bolš łajkanych navin

Biełaruski IT-miljarder Hurski: Maju pieršuju žonku zabiŭ hiembler3

Biełaruski IT-miljarder Hurski: Maju pieršuju žonku zabiŭ hiembler

Hałoŭnaje
Usie naviny →

Zaŭvaha:

 

 

 

 

Zakryć Paviedamić