I navat kuchnia jość dla Barbi. U Minsku pradajecca kvatera niezvyčajnaj formy
Pa-pieršaje, jana niestandartnaj formy — u vyhladzie trapiecyi. A pa-druhoje, tut jość dadatkovy sanvuzieł, uvachod u jaki znachodzicca prosta ŭ spalni. Nu i kuchniu dalikatna-ružovaha koleru taksama ŭbačyš nie tak i časta, piša Realt.by.
Kvatera znachodzicca ŭ kvartale Minsk-Śviet u domie «Dyjadema» pa adrasie Aeradromnaja, 32. Jaho pabudavali ŭ 2017 hodzie. U im 18 pavierchaŭ. U dvary jość jaśli-sad. Prosta kala doma prypynak, da mietro «Kavalskaja słabada» — 10 chvilin pieššu.
Ahulnaja płošča kvatery — 72 kvadraty, žyłaja — 53. Voś tak vyhladaje płan kvatery.
Kuchnia ŭ kvatery sumieščana z haścinaj, prastornaje pamiaškańnie zajmaje kala 30 kvadratnych mietraŭ. Kuchonnyja fasady vykanany z farbavanaha MDF, sistemy zachoŭvańnia — Blum. Jość indukcyjnaja varačnaja pavierchnia, biasšumnaja pasudamyjnaja mašyna, duchavaja šafa, mikrachvalevaja pieč Bosch i chaładzilnik Electrolux. Abiedziennaja hrupa — raskładny stoł z kresłami.
U zonie haścinaj staić raskładnaja kanapa i televizar. Na padłozie lažyć ispanski kieramahranit. Stoli vyraŭnavanyja i pafarbavanyja. Na ścienach farba i dekaratyŭny rośpis.
U dziciačym pakoi staić łožak, upisany ŭ vialikuju šafu. Jość pracoŭnaje miesca. Na padłozie lažyć niamiecki łaminat. Darečy, źviarnicie ŭvahu, što pakoj maje niestandartnuju trapiecapadobnuju formu.
U spalni staić vialiki dvuchspalny łožak, jość ubudavanaja šafa. Adsiul možna vyjści na zašklonuju łodžyju. Taksama ŭ spalni za dźviaryma jość dadatkovy sanvuzieł z pralnaj mašynaj.
Druhi sanvuzieł u kvatery — sumieščany. U im vanna. Santechnika impartnaja, źmiašalniki Himark. Jość pratočny bojler.
Košt — 134 900 dalaraŭ (1 863 dalary za «kvadrat»).
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj46
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary
pa chodu dzizajnieram backa byu