MUS vyznačyła, jak biełarusy pavinny infarmavać ułady pra atrymańnie DNŽ, karty palaka ci hramadzianstva inšych krain
Abnoŭleny zakon «Ab hramadzianstvie» ŭstupiŭ u siłu 11 lipienia. Zhodna ź im, biełarusy abaviazanyja apaviaščać dziaržaŭnyja orhany ab atrymańni zamiežnaha hramadzianstva, dazvołu na žycharstva abo inšych dakumientaŭ, jakija dajuć ilhoty i prefierencyi ŭ inšych krainach. MUS Biełarusi razam z MZS vypuścili instrukcyju, jak mienavita biełarusy pavinny heta rabić. Jana była siońnia apublikavanaja na Nacyjanalnym pravavym internet-partale.
Zhodna z instrukcyjaj, infarmavańnie biełaruskich uład moža ažyćciaŭlajecca adnym z nastupnych sposabaŭ:
- praź jaje raźmiaščeńnie hramadzianinam u elektronnym vyhladzie ŭ asabistym kabiniecie adzinaha partała elektronnych pasłuh ahulnadziaržaŭnaj aŭtamatyzavanaj infarmacyjnaj sistemy pa adrasie platform.gov.by;
- pry asabistym zvarocie zajaŭnika ŭ orhan unutranych spraŭ abo orhan dypłamatyčnaj słužby pa miescy znachodžańnia zajaŭnika;
- praź dziaržaŭnuju adzinuju (intehravanuju) respublikanskuju infarmacyjnuju sistemu ŭliku i apracoŭki zvarotaŭ hramadzian i jurydyčnych asob. Pry adsutnaści techničnaj mahčymaści ŭniasieńnia infarmacyi ab zamiežnych dakumientach takim sposabam dapuskajecca jaje nakiravańnie ŭ orhany dypłamatyčnaj słužby pa elektronnaj pošcie ŭ damiennym imieni mfa.gov.by;
- šlacham nakiravańnia piśmovaha zvarotu hramadzianina ŭ orhan unutranych spraŭ abo orhan dypłamatyčnaj słužby.
Infarmavać biełaruskija ŭłady ab tym, što dzicia maje jaki-niebudź zamiežny dakumient, pavinny jaho zakonnyja pradstaŭniki.
Paviedamlać treba nie tolki pra atrymańnie, naprykład, dazvołu na žycharstva, ale i pra jaho pradaŭžeńnie.
Dakumient ustupaje ŭ siłu paśla jaho aficyjnaha apublikavańnia.
Adkaznaść za niepieradaču hetaj infarmacyi ŭ instrukcyi nie prapisana.
Raniej u MUS abiacali pahladzieć, nakolki aktyŭna hramadzianie buduć apaviaščać orhany ŭnutranych spraŭ abo dypłamatyčnyja słužby ab atrymańni zamiežnych dakumientaŭ. U vypadku, kali «aktyŭnaść hramadzian budzie nie vielmi vialikaja», abiacali «ŭnieści prapanovy dla taho, kab niejak stymulavać hramadzian».
Ale, jak pakazvaje praktyka, źbirać źviestki ab najaŭnaści takich dakumientaŭ ułady pačali jašče letaś. Paralelna z hetym na dziaržaŭnych pradpryjemstvach akazvajuć cisk na ŭładalnikaŭ karty palaka. Ludziej prymušajuć admovicca ad jaje, pahražajuć zvalnieńniem.
Taksama ź viasny hetaha hoda adznačajecca, što pahraničniki pačali ŭsio čaściej patrabavać dazvoł na žycharstva ci inšyja dakumienty ŭ tych biełarusaŭ, jakija padajuć pašpart bieź dziejnaj vizy pry vyjeździe ŭ ES. Choć pa zakonie dla vyjezdu za miažu dastatkova mieć tolki pašpart.
Łukašenka pra kartu palaka: Važna nie pierahnuć pałku
«Dziejańniam uładaŭ u Minsku niama apraŭdańnia». MZS Polščy prakamientavała cisk na ŭładalnikaŭ karty palaka ŭ Biełarusi
U tych, chto vyjazdžaje za miažu bieź vizy, pačali patrabavać pakazvać DNŽ. Što viadoma
Supracoŭnikaŭ dziaržustanoŭ prymušajuć admaŭlacca ad karty palaka. Pry admovie pahražajuć zvalnieńniem
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»8
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary