«Kali čałaviek takim cikavicca». HUBAZiK pryznaŭ, što biełarusy nie parušajuć zakona, padpisvajučysia na «ekstremisckija» kanały, ale patłumačyŭ, čamu karaje za heta
HUBAZiK u jutubie raskazaŭ, čamu ŭłady karajuć za padpiski na tak zvanyja «ekstremisckija» kanały, choć zakonam heta nie praduhledžana, i čamu sadžajuć ludziej za danaty arhanizacyjam, jakija na momant pieraličeńnia srodkaŭ navat nie byli pryznanyja «ekstremisckimi».
Viadučaja kanała HUBAZiKa raspaviała, što adno z samych papularnych pytańniaŭ da siłavikoŭ, ci praduhledžana adkaznaść za padpisku na telehram-kanały, jakija byli pryznanyja «ekstremisckimi»?
— Nu jak vam skazać? — kansultuje viadučaja kanała. — Farmalna adkaznaść praduhledžanaja tolki za raspaŭsiud, heta značyć pierasyłku materyjałaŭ inšym asobam. Ale my cudoŭna razumiejem, što kali čałaviek takim cikavicca, značyć u jaho znojducca i inšyja parušeńni. Farmalnaja adsutnaść sastavu [złačynstva] — heta nie nahoda ihnaravać parušalnika.
To-bok, pavodle prapahandystki, sastaŭ pravaparušeńnia adsutničaje, a parušalnik i pakarańnie jość.
Taksama jana patłumačyła łohiku ŭładaŭ, jakija dajuć vialikija terminy ludziam za danaty, navat kali abjadnańni, jakim jany danacili, nie byli na toj momant pryznanyja ekstremisckimi.
Prapahandystka pakazała heta na prykładzie kryminalnaj spravy Nastaśsi Pietračenki, jakaja atrymała try hady kałonii za danat pałku Kalinoŭskaha. Na momant pieraličeńnia srodkaŭ arhanizacyja biełaruskich dobraachvotnikaŭ nie była pryznanaja «ekstremisckim farmavańniem», a sam płaciež nie prajšoŭ. HUBAZiK pryznaje, što heta sapraŭdy tak. I tłumačyć, čamu hetym razam «časam nie da zakonaŭ».
— Pryznańnie farmavańniem abo terarystyčnaj arhanizacyjaj nie aznačaje, što da pryznańnia banda nie viała terarystyčnaj dziejnaści. Kankretnyja ekstremisckija dziejańni, ukazanyja ŭ zakonie, ažyćciaŭlalisia i dziejnaść viałasia, a značyć i finansavańnie jaje — heta kryminalnaje złačynstva, i heta nie prymianieńnie «zvarotnaj siły», — miarkuje prapahandystka.
Jakim čynam ludzi mohuć zrazumieć, što niejkuju arhanizacyju ŭ budučym pryznajuć «ekstremisckaj», prapahandystka nie patłumačyła.
Čytajcie taksama:
«Ale voraha treba bačyć». Narada Łukašenki ŭ BDU była złaviesnaj
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj2
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary