Kiraŭnik Paleścinskaj nacyjanalnaj administracyi na Zachodnim bierazie Iardana Machmud Abas zaklikaŭ da nieadkładnaha spynieńnia, jak jon vykazaŭsia, izrailskaj ahresii ŭ siektary Haza, davańnia humanitarnaj dapamohi, vady i elektryčnaści, a taksama da terminovaha adkryćcia humanitarnych kalidoraŭ, piša BBC.
Abas taksama zajaviŭ, što nie prymaje zabojstva abo žorstkaje abychodžańnie z hramadzianskim nasielnictvam z abodvuch bakoŭ kanfliktu.
«My admaŭlajemsia ad hvałtu i prytrymlivajemsia mižnarodnaj lehitymnaści, mirnaha narodnaha supracivu i palityčnych dziejańniaŭ jak šlachu da dasiahnieńnia našych nacyjanalnych metaŭ», — cytuje Abasa paleścinskaje infarmacyjnaje ahienctva WAFA.
Abas zajaviŭ pra nieabchodnaść pierachodu da palityčnych dziejańniaŭ dla spynieńnia izrailskaj akupacyi i dasiahnieńnia miru.
U piatnicu Abas maje sustrecca ŭ Amanie ź dziaržsakratarom ZŠA Entani Blinkienam.
Siońnia rankam izrailski bok zajaviŭ, što Haza budzie bieź śviatła i vady, pakul nie buduć vyzvalenyja izrailskija zakładniki.
«Humanitarnaja dapamoha Hazie? Ni adzin elektryčny vyklučalnik nie budzie ŭklučany, ni adzin vodapravodny hidrant nie budzie adčynieny, ni adzin bienzavoz nie zajedzie datul, pakul vykradzienyja izrailcianie nie buduć viernutyja dadomu», — napisaŭ ministr enierhietyki Izraila Kac.
Pavodle danych CACHAŁ, jakija pryvodziać ŚMI, kala 100 izrailcian CHAMAS utrymlivaje ŭ zakładnikach.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
Ciapier čytajuć
Sotni kačak zapałanili raku ŭ Mahilovie. U vyraj nie adlacieli, bo zanadta sytna žyviecca pobač z čałaviekam1
Kamientary