Protaijerej Lemiašonak pra rasstreł dla baćki sa Słucka: Raniej ja byŭ za śmiarotnaje pakarańnie. Ciapier suprać
Padčas čarhovaha efiru «Hutarak z baciuškam», jakija kožny aŭtorak vychodziać na YouTube-kanale Śviata-Jelisaviecinskaha manastyra, u praŭładnaha śviatara Andreja Lemiašonka spytali pra staŭleńnie carkvy da śmiarotnaha pakarańnia (u kantekście taho, što biełaruski sud pastanaviŭ rasstralać mužčynu sa Słucka, jaki razam z žonkaj zabiŭ svajho trochhadovaha syna).
U Słucku na minułym tydni vynieśli prysud Alaksandru i Anastasii Taratutam, jakija zakatavali da śmierci svajho 3-hadovaha syna Siamiona. Mužčynu dali vyklučnuju mieru pakarańnia, a žančynie — 25 hadoŭ kałonii strohaha režymu.
«Ci pa-chryścijansku heta zabivać u adkaz? Što dumaje carkva pra śmiarotnaje pakarańnie?», — było pytańnie da baciuški z nahody prysudu.
«Viedajecie, carkva pa-roznamu dumaje. Kaniešnie, jość zapaviedź «nie zabi»… — zadumaŭsia Lemiašonak. Cikavy momant: u bolšaści vypadkaŭ, kali hučyć niejkaje nieadnaznačnaje pytańnie, Andrej Lemiašonak pačynaje zhadvać, a jak u Rasii. — U Rasii, zdajecca, niama śmiarotnaha pakarańnia…
Heta pytańnie dziaržaŭnaje. Raniej ja byŭ za śmiarotnaje pakarańnie. Ciapier ja suprać. Tamu što pažyćciovaje źniavoleńnie daje čałavieku mahčymaść niešta pamianiać, ubačyć svoj hrech… Razumiejecie? I heta pakuty.
A tak čałavieka pazbavili žyćcia — i jon u takim stanie sydzie ŭ viečnaść. Našy siostry niekatoryja raniej listavalisia z tymi ludźmi, jakija byli asudžanyja na vialikija terminy pazbaŭleńnia voli (naprykład, 25 hadoŭ). Voś ujavicie, jak heta 25 hadoŭ adsiadzieć. Z tymi, u kaho pažyćciovaje źniavoleńnie, taksama listavalisia. I ludzi pieraasensoŭvali svoj šalony stan, u jakim jany ździajśniali złačynstva. Mnie siostry davali čytać tyja listy. U hetych listach šmat u kaho było raskajańnie i ŭśviedamleńnie svajoj viny pierad Boham i blizkimi».
U YouTube-kanała «Śviato-Elisavietinskij monastyŕ» 466 tysiač padpisčykaŭ. Zvyčajna «Hutarki z baciuškam» hladzić ad 11 da 35 tysiač čałaviek.
«Jak moža dzicia, u jakoha baćki chodziać u chram, być pijanieram?!» Protaijerej Lemiašonak vykazaŭsia pra sajuzy moładzi i ajcišnikaŭ
«Čałaviek vajavaŭ paŭtara hoda, i voś takoje pramaŭlaje». Minskaja manaška raskazała, jak natchniała vahnieraŭcaŭ na vajnu
Protaijerej Lemiašonak razdaŭ parady, jak vyratavać muža-apazicyjaniera: Ni ŭ jakuju Polšču jechać nie treba
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary