Ciaham dvuch hadoŭ Dziaržaŭnaja pamiežnaja słužba Litvy pavinna papoŭnicca 450 novymi aficerami, jakija buduć achoŭvać miažu ź Biełaruśsiu.
«Ahulnaja kolkaść dadatkovych aficeraŭ praz dva hady składzie kala 450 čałaviek, jany buduć nakiravanyja na achovu miažy ź Biełaruśsiu», — skazaŭ kiraŭnik viedamstva Rustam Lubajeŭ padčas pasiadžeńnia kamiteta Siejma pa nacyjanalnaj biaśpiecy i abaronie, piša BNS.
«My chočam uzmacnić achovu miažy», — padkreśliŭ jon.
Dadatkovyja aficery buduć pryniatyja na słužbu ŭ 2024-2025 hadach.
«My prahledzieli našy kadravyja varyjanty, vidać, ciažka budzie adrazu za hod arhanizavać navučańnie i zapoŭnić pasady. U vyniku my prahnazujem na dva hady. Pačniem z nastupnaha hoda, kali budzie zaćvierdžany biudžet, a skončym praz hod», — patłumačyŭ Rustam Lubajeŭ.
Zaraz u Dziaržaŭnaj pamiežnaj słužbie pracujuć 4,3 tysiačy čałaviek.
Miaža Litvy ź Biełaruśsiu źjaŭlajecca taksama źniešniaj miažoj Jeŭrasajuza. Z 2021 hoda litoŭskija pamiežniki nie puścili ŭ krainu 21,5 tysiačy mihrantaŭ z terytoryi Biełarusi.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary