Jašče ŭ 2021 hodzie piśmieńnik kateharyčna admaŭlaŭ, što atrymlivaŭ rasijskija hrošy.
Niamiecki žurnalist, režysior-dakumientalist i piśmieńnik Chubiert Zajpiel, jaki źjaŭlajecca aŭtaram dakumientalnaha filma i dvuch bestseleraŭ pra Uładzimira Pucina, atrymaŭ sotni tysiač jeŭra ad afšoraŭ, źviazanych z rasijskim aliharcham Alaksiejem Mardašovym, pišuć «Važnyja historyi».
Rasśledavańnie — častka prajekta pad nazvaj «Tajamnicy Kipra», arhanizavanaha mižnarodnym kansorcyumam žurnalistaŭ-śledčych (ICIJ) i niamieckaj Paper Trail Media.
Viadoma, što ŭ 2018 hodzie Zajpiel padpisaŭ «sponsarskuju damovu», jakaja pavinna była prynieści jamu nie mienš za 600 000 jeŭra. Takuju sumu vydzielili na stvareńnie i papularyzacyju knihi pra palityčny klimat u Rasii. Havorka išła pra knihu «Ułada Pucina. Navošta Jeŭropie Rasija?», apublikavanaj u 2021 hodzie hamburhskim vydaviectvam Hoffmann und Campe.
U padrychtavanych dla padpisańnia dakumientach taksama stajała rukapisnaja paznaka «anałahična zaklučanaj u 2013 hodzie damovie: «Bijahrafija Pucina». U 2015 hodzie vyjšła kniha Zajpiela «Pucin. Łohika ŭłady».
Sponsaram piśmieńnika vystupała kampanija De Vere Worldwide Corporation z Brytanskich Virhinskich astravoŭ, zapisanaja na Ihara Vaskrasienskaha — adnaho z dyrektaraŭ mašynabudaŭničaha kancerna «Siłavyja mašyny», padkantrolnaha Mardašovu. Pry hetym, hrošy na vypłaty Zajpielu prychodzili ŭ De Vere Worldwide ad afšoraŭ, bienieficyjaram jakich byŭ sam Mardašoŭ.
U razmovie z Paper Trail Media Zajpiel pryznaŭ, što knihi pra Pucina spansiravaŭ rasijski miljarder, ale padkreśliŭ, što hety fakt nie dyskredytuje jaho pracy. Pa słovach piśmieńnika, u damovie z De Vere Worldwide byŭ punkt ab tym, što ŭ jaho niama abaviazacielstvaŭ pierad sponsaram u dačynieńni da «kampazicyi i źmiestu knihi».
Akramia taho, jak adznačyŭ Zajpiel, hrošy išli tolki na padtrymku jaho knižnych prajektaŭ, ale nie jaho filma ci hramadskaj dziejnaści. Jašče ŭ 2021 hodzie piśmieńnik kateharyčna admaŭlaŭ, što atrymlivaŭ rasijskija hrošy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
što ŭ jaho niama abaviazacielstvaŭ pierad sponsaram u dačynieńni da
«kampazicyi i źmiestu knihi».
Othovorka urovnia dietskoho sadika. Kto-to na eto možiet poviestiś?
Eto. Kakoj-to. Pozor.