Urad Paŭdniovaj Karei i kiroŭnaja partyja «Siła naroda» źbirajucca da kanca hoda pryniać zakon, jaki zabaraniaje ŭžyvańnie ŭ ježu miasa sabak, piša The Washington Post.
Zakon zapatrabuje ad sabačych fiermaŭ, bojniaŭ, handlaroŭ i restaranaŭ pradstavić płan paetapnaj admovy ad sabačaha miasa miascovym uładam. Pry ŭmovie padačy takoha płanu biznesu akažuć padtrymku. Miarkujecca, što zaboj sabak i prodaž sabačaha miasa całkam zabaroniać z 2027 hoda.
«Pryjšoŭ čas našamu hramadstvu pakłaści kaniec spažyvańniu sabačaha miasa, uličvajučy rost papulacyi chatnich žyvioł, pavyšanuju daśviedčanaść i mižnarodnuju prysutnaść našaj krainy», — zajaviŭ pa vynikach pasiadžeńnia kiroŭnaj kaalicyi deputat Ju Yj Don.
Za pryniaćcie zakona vystupaje i Demakratyčnaja partyja — druhaja najbujniejšaja partyja Paŭdniovaj Karei, jakaja ciapier znachodzicca ŭ apazicyi. Jašče ŭ vieraśni jaje pradstaŭniki kazali, što ŭchvalajuć zabaronu.
Ideja zabarony sabačaha miasa abmiarkoŭvajecca ŭ Paŭdniovaj Karei ŭžo niekalki hadoŭ. U minułym zakonaprajekty, nakiravanyja suprać vytvorčaści i prodažu sabačaha miasa, paciarpieli niaŭdaču z-za pratestaŭ z boku pierapracoŭščykaŭ, uładalnikaŭ fiermaŭ i restarataraŭ.
U novym zakonaprajekcie praduhledžany trochhadovy termin, kab zharnuć usiu halinu.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary